Microsoft Word etno kitab son srift 12

ETNOPSİXOLOGİYA 
135 
tutulur. Bu o deməkdir ki, azərbaycan mənşəli amerikanlı 
danışıqlar prosesinin iştirakçısı olduqda şərq yox, daha çox qərb 
üslubunu gerçəkləşdirəcək. Bu daha çox hər hansı bir millətin 
nümayəndəsinin gəldiyi ölkədə assimiliyasiya olunma 
dərəcəsindən asılıdır. 
Son illərdə dünyada danışıqlar zamanı milli sərhədlərin 
aradan qaldırılması intensivləşmişdir. Danışıqlar praktikasında 
milli üslubların bir-birinə qarşılıqlı nüfuzu baş verir. Nəticə olaraq 
tədricən danışıqlarda iştirak edən nümayəndələrin ayrıca davranış 
qaydalarını özündə birləşdirən xüsusi altquruluş formalaşır. 
Bununla belə, qeyd olunan faktın mənası və əhəmiyyətini 
şişirtməyə ehtiyac yoxdur. Bu cür altquruluş adətən mütəmadi 
olaraq danışıqlarda iştirak edən şəxslərdə, məsələn, diplomatlarda 
formalaşır. Digər hallarda milli üslubu danışıqlar prosesindən 
çıxarmaq məqsədəuyğun və doğru olmazdı. 
Belə hesab olunur ki, şərq öləkələri ilə müqayisədə qərb 
ölkələrinin təmsilçiləri üçün səbəb-nəticə əlaqəsinə əsaslanmış 
arqumentlər daha əhəmiyyətlidir. 
Rusiyalı təmsilçilərinin nöqteyi-nəzərinə əsasən, danışıq 
prosesində onların Qərbi Avropa partnyorları aşağıdakı 
xüsusiyyətləri daha çox büruzə verirlər: rus tərəfi alçaltmağa meyl, 
öz düşüncə və hərəkət tərzini ruslara yeritmək, qərar qəbulu zamanı 
yalnız öz xeyri üçün çalışmaq, ifrat praqmatizm, sosial məqsədləri 
görməzlikdən gəlmək. 
Latın Amerikasında qadın və kişinin təklikdə hansısa danışıq 
aparması etik normalara uyğun hesab edilmir. 
Şərq danışıq üslubu üçün danışıqların məzmununun 
razılaşmaya yüksək təsiri xarakterikdir. Burada məzmunun təsiri o 
qədər güclü olur ki, hətta tamamilə əks təklifə dair razılaşma belə 
əldə etmək mümkün ola bilər. 
Bir çox şərq xalqlarında danışıq qaydalarına əsasən 
sövdələşmə prosesindən əvvəl partnyor uzun müddət zamanı sırf 
hazırlıq prosesi və bu zəmində söhbətə ayırmalıdır. Bu müddətdə