3. Yuvenil nəzəriyyə – Bu nəzəriyyə Avstriyalı geoloq Eduard Züss tərəfindən 1902-ci ildə irəli sürülüb. O yeraltı suların bir qisminin, xüsusilə isti mineral suların mənşəcə maqma ilə əlaqədar olmasını irəli sürür. Maqma yerin üst təbəqəsində soyuduqca ondan ayrılan su buxarları kondensasiyaya uğrayaraq yuvenil (yuvenil-ilk dəfə üzə çıxma deməkdir) suları əmələ gətirir, hansı ki, ilk dəfə bulaqlar şəklində yer səthinə çıxırlar. Bu sulardan fərqli olaraq atmosfer mənşəli suları E.Züss «vadoz» (vadere-latın sözü olub, azıb-gəzən deməkdir) suları adlandırmışdır. Lakin isti mineral suların yuvenil mənşəli olması müasir hidrogeoloqlar tərəfindən qəbul olunmur, əksinə onlar da atmosfer mənşəli hesab olunur.
