Alqoritm anlayışı, onun xassələri Alqoritm dedikdə müəyyən bir məsələnin həlli üçün dəqiq və aydın əməliyyatlar ardıcıllığı başa düşülür. Başqa sözlə, alqoritm ilkin verilənlər üzərində elə əməliyyatlar ardıcıllığıdır ki, onları yerinə yetirdikdə baxılan məsələnin həlli alınır və s. Qeyd edək ki, bunlar alqoritmin intuitiv anlayışıdır. Çünki alqoritmin dəqiq riyazi tərifi yoxdur. Lakin biz hər zaman alqoritmdən istifadə edirik. Məsələn: ədədlərin vurulması alqoritmi, kvadrat tənliyin həlli alqoritmi və s. Bu vaxta qədər bizə məlum olan alqoritmlərə əsasən onun bəzi xassələrini yaza bilərik.
