11-lektsiya. Sharwashiliqtin` a`hmiyeti. Shoshqalardin` biologiyaliq qa`siyetleri. Shoshqa go`shin
islep shig`ariw texnologiyasi. Shoshqa porodalari.
Joba:
1. Shoshqalardin` xojaliq ha`m biologiyaliq qa`siyetleri.
2. Pada du`zilisi ha`m qurami.
3. Shoshqalardi semirtiwge bag`iw tu`rleri.
4. Shoshqashiliqtin` tiykarg`i bag`darlari ha`m shoshqa porodalari
Shoshqashiliq sharwashiliqta en` paydali taraw bolip, go`sh, may ha`m basqada bahali shiyki zat berip
qoymastan ha`r jili 2-3 ma`rte shoshqa balasin beriwi menen de u`lken a`hmiyetke iye.
Ha`zirgi waqitta shoshqalardi mexanizatsiyalastirilg`an iri fermalarda sanaat usilinda o`rshitiw ha`m
shag`ilistiriw ushin sanaat kompleksleri qurilg`an. Bul komplekslerde shoshqalardi bag`iwda, qalalarda
asxanalar, ka`rxanalardag`i shig`atug`in bahali aziqlardan paydalaniw ma`selesi qoyilgan.
Ha`zirgi en` jaqsi shoshqa porodalari Aziya ha`m Evropa shoshqalarinin` a`wladlarin shag`ilistiriw
na`tiyjesinde jetistirilgen.
O`nimdarlig`i. Jaqsi sharayatta ana shoshqalar 10-12 bala, ayirim rekordlari 14-16 bala tuwadi. Buwazliq
da`wiri 112-114 ku`n. Ha`r bir ana shoshqa jilina 2 ma`rte bala berip, 20 g`a shekem bala aliw mu`mkin.
Tez jetiliwshen`ligi. Shoshqa balalarinin` salmag`i 6-7 ayliqta 90-110 kg ha`m onnan da awir salmaqqa
iye boladi. Ha`r bir ana shoshqadan jilina 15-20 dan artiq shoshqa go`shi alinadi. Porodali shoshqalar 9-
10 aylig`inda padani toltiriw ushin qashiriladi. 13-14 aylig`inda na`sil bere baslaydi.
Shoshqalardin` soyilg`andag`i go`shi olardin` porodasi, jasi ha`m semizlik da`rejesine baylanisli boladi.
90-110 kg salmaqtag`i shoshqalar soyilg`anda 72-75%, 140-180 kg – 77-80%, jaqsi bag`ilsa 82-85%
go`sh, may alinadi. Sarplang`an aziqti qaplawi. Toliq bahali aziqlar menen bagilg`an shoshqa balalari 1
kg semiriw ushin 3,5-4 aziq birligi, u`lken jastag`i shoshqalar 5-6 aziq birligin sarplaydi. Sonin` ushin
shoshqalardi 7 ayg`a deyin bag`iw maqsetke muwapiq boladi. Shoshqalar organizminde energiyasinin`
32% ge deyingi bo`legin sarplaydi. Go`shtin` sapasi. Shoshqa go`shinde temir ha`m V gruppa vitaminleri
Dostları ilə paylaş: | 
