34.Şagird nailiyyətlərinin qiymətləndirilməsi meyarlarını müəyyənləşdirin
Qiymətləndirmənin bütün növləri, xüsusilə
formativ qiymətləndirmə, şagird
işlərinin qiymətləndirilməsinin təşkili üçün mükəmməl hazırlanmış meyarların
istifadəsini nəzərdə tutur. Meyarlar əsasında qiymətləndirmə
təlim prosesinin
bütün iştirakçıları üçün bu prosesi şəffaf və anlaşıqlı etmək imkanı verir,
obyektivliyi təmin edir. Şagirdlərin dərs nailiyyətlərinin qiymətləndirmə
meyarlarının işlənib hazırlanması üçün təlim məqsədləri özül rolunu oynayır. Hər
bir məqsəd qiymətləndirmə meyarlarında əks olunmalı,
dərsin sonunda
qiymətləndirilməlidir. Meyarlar müəllim tərəfindən yaxud şagirdlərin iştirakı ilə
hazırlana bilər.
Qiymətləndirmə meyarlarının birgə hazırlanması şagirdlərdə qiymətləndirməyǝ
pozitiv münasibət formalaşdırmağa və nəticənin əldə edilməsinə görə
məsuliyyəti artırmağa şərait yaradır. Qiymətləndirmə meyarlarının
tərtib
olunarkən təlimin məqsədlərinə və məzmununa diqqət yetirmək lazımdır.
Meyarların məzmunu həm şagirdlər, həm də onların valideylərinə aydın
olmalıdır,
yəni sadə, anlaşıqlı formada izah edilməlidir. Şagirdləri meyarlarla
dərsin əvvəlində tanış etmək lazımdır. Onları şagirdlərin iş vərəqlərində, lövhədə
və ya sinfin görünən yerində yerləşdirmək olar. Meyarlar şagirdlərə işi və onun
keyfiyyətini daha obyektiv qiymətləndirmək imkanı yaradır. Düzgün hazırlanmış
qiymətləndirmə meyarları və onların dərəcələrə
bölünməsi şagirdləri
istiqamətləndirir və yerinə yetirilmə prosesini asanlaşdırır. Meyarların
dərəcələrə bölünməsi gözlənilən nəticənin müxtəlif səviyyələr üzrə təsviridir. Bu
səviyyələri əks etdirən meyarlar nə qədər dəqiq təqdim olunarsa,
şagirdə
tapşırığın bir o qədər uğurlu yerinə yetirilməsi üçün imkan yaranacaq. Daha
dəqiq desək, meyarların qradasiyası tapşırığın yetirilmə prosesinin addım-addım
təsviridir.
Dostları ilə paylaş: 
