Qayd raqami

BOLALARDA MODDALAR ALMASHINUVI BUZILISHI VA PSIXIK, KO’RISH, ESHITISH A’ZOLARI KASALLIKLARIDA TIBBIY YORDAM.
Reja:
1. Raxit. Spazmofiliya. Gipotrofiya. Ekssudativ-kataral diatez.
2. Allergiya. Gelmintozlar. Exinokokkoz. Askaridoz. Entrerobioz. Lyamblioz.
3. Nevrosteniya nevrozi. Isteriya nevrozi. Psixasteniya nevrozi.
4. Duduqlanish. Enurez. Qaltiroq (Tiki).
5. Miopiya. Gipermetropiya. Daltonizm. Ko`z g`ilayligi. Konyunktivit. Otit.
6. Bolada kar-soqovlik. Bolada muvozanat a`zosi funksiyasining buzilishi.


Tayanch iboralar
Raxit - organizmda vitamin “D” yetishmasligi tufayli kalsiy va fosfor almashinuvining buzilishi natijasida kelib chiqadigan kasallik.
Spazmofiliya - bola organizmida kalsiy-fosfor tuzlari almashuvining buzilishi va qonda kalsiy miqdorining kamayishi natijasida yuzaga keladi.
Gipotrofiya – bola tana vaznining kamayishi (oriqlanishi), jismoniy rivojlanishining normadan orqada qolishi.
Ekssudativ-kataral diatez - bola organizmining allergiyaga tug‘ma moyilligi tufayli yuzaga keladigan kasallik holatidir.
Allergiya - atrof muhitning allergenlarga bola organizmi sezgirligining oshishi tufayli yuzaga keladigan kasallik holatidir.
Gelmintozlar - odamda va hayvonlarda tekinxo‘rlik qilib yashaydigan gijjalar.
Exinokokkoz - asosan jigar, o‘pka to‘qimalarining zararlanishi bilan surunkali kechadigan gijja kasalligi.
Askaridoz - ingichka ichakda parazitlik qilib, tuxumlari meva va sabzavotlar, suv, oziq-ovqat mahsulotlari orqali yuqib, surunkali kechadigan gijja kasalligi.
Entrerobioz - yo‘g‘on ichakda parazitlik qilib, tuxumlari ‘yinchoq, idish, yaxshi yuvilmagan meva-sabzavotlar, ifloslangan suv orqali yuqib, surunkali kechadigan gijja kasalligi.
Lyamblioz - ingichka ichakda, o‘t pufagida joylashib, parazitlik qilib, zararlangan suv, oziq-ovqat mahsulotlari, meva-sabsazavotlar, ifloslangan qo‘l va ro‘zg‘or buyumlari orqali yuqib, surunkali kechadigan gijja kasalligi.