Samarqand davlat tibbiyot universiteti

2-Ma’lumotlar bazasini yaratish bobida asosan Ma’lumotlar ombori haqida tushuncha, Ma’lumotlar omborini boshqarish tizimlari, MS Access dasturining asosiy elementlari va maydonlar xususiyati, MS Accessda ma’lumotlar omborini hosil qilish va tahrirlashda formalardan foydalanish.
3-Zamonaviy dasturlash tillari bobida esa Ilovalar yaratishning zamonaviy usullari zamonaviy ilovalar, dasturlashning rivojlanish bosqichlari, zamonaviy dasturlash muhitlari va Delphi dasturlash muhiti, Delphi interfeysi, Delphining asosiy menyusi, Delphi Uskunalar panelivaobyekt, Delphi oynalari, Delphida loyihalar yaratish va saqlash yani foydalanuvchi bilishi zarur bo’lgan ma’lumotlar o’z aksini topgan.
Mualliflar har qanday fikr va mulohazalarni minnatdorchilik bilan qabul qiladilar.


1-bob. ZAMONAVIY JADVAL PROTSESSORLARI VA ULARNING IMKONIYATLARI. MS EXSEL DASTURI.
1.1.Umumiy ma’lumot
Ko`pchilik hollarda qayta ishlanadigan ma’lumotlar jadvallar ko`rinishida tasvirlanadi. Shuning uchun jadval katakchalarining bir qismiga boshlang`ich ma’lumoitlar va boshqa qismiga esa hosil qilinadigan hosilaviy ma’lumotlar yoziladi.
Ma’lumotlarni jadval ko`rinishida tasvirlash ularni tahlil qilishni ancha soddalashtiradi. Shuning uchun ko`pchilik hollarda hisob-kitoblar samaradorligi va sifatini oshirish uchun avtomatlashtirilgan hiusoblashlarni joriy qilish maqsadga muvofiqdir.
Jadval ko`rinishdagi tasvirlanadigan masalalarni yechish uchun maxsus amaliy dasturlar paketlari ishlab chiqilgan bo`lib, ular electron jadvallar yoki jadval protsessori deb ataladi.
Electron jadvallar, avvalo, iqtisodiy masalalarni yechish uchun mo`ljallangan, lekin uning yordamida muhandislikka doir masalalarni hal qilishda ham, masalan, formulalar bo`yicha hisob-kitoblarda muvaffaqiyatli ishlatilmoqda. Electron jadvallar qo`llanilayotgan sohalar juda ko`p: moliyaviy buxgalteriyaga oid, xususan ish haqini hisoblash, har xil iqtisodiy-texnik hisoblar, kundalik, xo`jalik tovarlari va mahsulotlarni sotib olish va h.k.