Xalq ijodiyoti

 

 

 

 

 

 

 

 

 

 

 

 

 

 

 

 

 

---

51 

 

2.1. Bayram tadbirlarini tashkil etishda dramatik kompozitsiya 

elementlarining ahamiyati 

Dramaturgik tahlilning murakkabligi shundaki, yaxlit holda mavjud bо‘lgan 

jarayonni, elementlari bо‘yicha bо‘lib, kо‘rib chiqishiga tо‘g‘ri keladi. 

Yakunlangan asar strukturasini о‘zgartirib bо‘lmaslik - asar badiiyligining 

belgisidir. Mukammal dramaturgik asar shunday  qurilgan bо‘lishi kerakki, undagi 

qayta qurishlar, ba’zi qismlarning olib tashlanishi yoki qо‘shilishi,  о‘zgarishlar – 

she’riyatdagi kabi, yaxshi she’rdagi qofiya yoki sо‘zni  о‘zgartirib bо‘lmagandek, 

asarga zarar qilmasligi lozim. 

 Dramaturgik asar yorqin belgilangan birlikka ega bо‘lishi lozim. Bu umum 

qabul qilingan xolatni aniqlash uchun nimaning birligi kо‘zda tutilayotganini 

о‘zimiz uchun bilib olishimiz lozim. Jahon dramaturgiyasining kо‘p asrlik 

tajribasi, asarning badiiy bir butunligini saqlab qolish uchun, namoyish etilayotgan 

voqeada vaqt va joy birligiga, albatta amal qilish shart emasligini kо‘rsatdi. Ammo 

xatti-harakat birligi juda ham zarurdir.  

Harakat pyesa rivojining konflikti bо‘lib, harakat birligiga rioya qilish, 

tasvirlanayotgan predmetning bir butunligiga rioya qilishdir. Albatta, harakat 

birligini buzish, tasvirlanayotgan predmetni о‘zgartirishga yoki tо‘laqonli tasvirlay 

olmaslikka olib keladi. 

Shuni ta’kidlab о‘tish joizki, dramaturgik asardagi harakat – asosiy konflikt 

yо‘nalishining rivoji bо‘lib, qahramonlar munosabatining о‘sishidir. «Xatti -

harakat» va «harakat» tushunchalarini bir-biriga aralashtirib yubormaslik kerak. 

Qahramonlarning ahamiyatsiz qiliqlari, xatto joylarini о‘zgartirishlari harakatga 

daxldor bо‘ladi.  

Masalan, stol atrofida tinch о‘tirib, otasidan qolgan merosni qanday 

bо‘lishni tinch muhokama qilayotgan aka-uka suhbati, ularning о‘zaro munosabat 

harakati, qarama-karshilikni rivojlantiradi v x.k. Ular о‘rtasida yuzaga kelgan 

mushtlashish jarayoni – ular munosabatining harakat jarayonidir. Qahramonlar bir-

birining orqasidan stol atrofida qancha yugurmasin, qahramonlar joylarida behuda 

---

52 

 

yugurib, harakatning tо‘xtash jarayoni yuz beradi. Stolga qaytib, masalani tinch 

yо‘l bilan hal etish, ular munosabatining harakat momenti bо‘lib, qahramonlar 

harakat qilmayotgan bо‘lsalar ham, harakatning davomiga aylanadi. 

Dramaturgik kompozitsiya elementlari, pyesadagi konflikt harakati - bir 

butun harakatni tashkil qiladi.  

Har qanday pyesaning asosida, prinsipial, barcha hollarda umumiy bо‘lgan 

kompozitsiya tuzilishi yotadi. Kurashning boshlanishi, kurash yо‘nalishi, 

kurashning natijasi. Gegel bu narsaga katta e’tibor qaratgan. Shuning uchun 

dramaturgiyaning bu tuzilishini «Gegel uchligi» deb atash qabul qilingan. 

Shunga qaramasdan har bir pyesa о‘zining mazmun jihatdan, aniq 

kompozitsiya qurilishiga ega  bо‘lishi lozim.  Proporsiyalar nuqtai nazaridan pyesa 

qurilishidagi bо‘laklar munosabatlari variantlarining nisbati chegarasiz bо‘lib 

о‘zining individual xususiyatiga ega bо‘ladi. Shunday bо‘lishiga qaramay 

dramaturgik kompozitsiya va uning elementlari bir tipi bо‘lib, ularning strukturasi 

va asosi umumiydir, boshlanishsiz yakun bо‘lmaganidek, boshidan oxiriga qarab 

rivojlanmaydigan, boshlanishi bilan tugaydigan asarning bо‘lishi mumkin emas. 

Shuning uchun biz dramaturgik kompozitsiyaning teatrlashtirilgan bayram 

va tomosha borasidagi asosiy elementlari va bajarish funksiyalarini diqqat bilan 

kо‘rib chiqishimiz lozim.  

Tadbir kompozitsiyasi - asarda sodir bо‘layotgan voqea-hodisalarni bir 

maqsad sari yetaklovchi g‘oya orqali, dramaturgiya qonuniyatlari asosida bir-biri 

bilan bog‘lovchi tuzilmadir. Teatrlashtirilgan tadbirlarning kompozitsion tuzilishi 

prolog (muqaddima), bosh voqea, voqelar rivoji, tugun, qarama-qarshilik, 

kulminatsiya, final kabi komponentlarni о‘z ichiga oladi. Ba’zi hollarda 

teatrlashtirilgan tadbirlar, xususan ommaviy bayramlarning kompozitsion 

tuzilishida tugun, qarama-qarshilik, yechim kabi komponentlar uchramaydi. 

Chunki bu tadbir tо‘laqonli teatrlashtirilmagan bо‘lib, maqsad va  g‘oya asosan 

qо‘shiq mazmuni va raqs harakatlarida yuzaga chiqariladi. 

Mavzu - bu tadbir uchun tanlangan, mahalliy aholini har tamonlama 

---

53 

 

qiziqtiradigan, barcha voqea-hodisalarni birlashtiruvchi omildir. 

G‘oya - bu tadbirda ilgari suriladigan asosiy fikr. Fikrning kuchli va aniqligi 

tomoshabinni zeriktirishga qо‘ymaydi. Shuning uchun g‘oyaning oydinlashishi 

tadbir oxiriga mо‘ljallanishi kerak. Tadbir davomida tomoshabinlar ijtimoiy g‘oya 

haqida, uning asosiy fikri haqida о‘ylasin, qiziqishi ortsin. Amalda esa kо‘pgina 

tashkilotchilar g‘oyani tayyor kо‘rinishda, tadbirning boshlanishidayoq berib 

qо‘yishadi. Bu esa tomoshabinning tadbirga bо‘lgan qiziqishini kamaytiradi, tadbir 

qiymati pasayadi.  

Maqsad-bu tadbirning tomoshabinga “nima demoqchi” ekanligidir. Har bir 

ssenariy muallifi va rejissyor asar yaratishdan oldin, “men bu orqali tomoshabinga 

nima demoqchiman?” tariqasida о‘ziga savol bermog‘i va о‘z  о‘rnida asar orqali 

javob qaytarmog‘i lozim. Tadbirga qо‘yilgan maqsad voqealar zanjiri bо‘lib, u 

voqea harakatlarida rivojlanib boradi.  

Prolog- asarning boshlanish qismi bо‘lib tadbir nima haqidaligidan xabar 

beradi. Tomoshabin diqqatini asosiy voqealarga qaratadi. U kо‘tarinki kayfiyat, 

gо‘zallik va nafislikni talab qiladi. Bu qismda hujjatli materiallar, filmlardan 

lavhalar, ta’sirchan vositalardan keng foydalanish mumkin. Prolog nafaqat sahnada 

balki tadbir о‘tkaziladigan maydonga kirish yо‘lakchalaridan  ham boshlanishi 

mumkin. 

Bosh voqea - bu prologdan keyingi kо‘rinish bо‘lib, voqealar rivojini 

ta’minlovchi omildir. Bunda tadbirning g‘oya va maqsadiga ozroq bо‘lsada urg‘u 

beriladi. 

 Voqealar rivoji - bu tadbir mazmuni va syujetinining murakkablashuviga 

yordam beruvchi voqealar bо‘lib, ular tugun, qarama-qarshilik, kurash, tо‘qnashuv 

va qiyinchiliklarni yengish jarayonidir. 

Tugun - bu tomoshabinning bevosita fikri va his-tuyg‘usining ma’lum bir 

jumboqqa qaratilishi. YA’ni asar qahramonlarining kutilmagan voqealarga duch 

kelishi. Tugun asarda qarama-qarshilikning  kuchayishiga, asosiy voqealarning 

rivojlanishiga turtki bо‘lishi kerak. 

---

54 

 

Qarama-qarshilik - bu tadbir maqsadi va mazmuniga, asardagi 

qahramonlarning xatti-harakatiga zid bо‘lgan voqeadir. Qarama-qarshilik 

qanchalik kuchli bо‘lsa, tomoshabinning tadbirga qiziqishi shunchalik ortadi

21

. 

Ommaviy bayram va tomoshalar ssenariysi tomoshabinga kо‘p tomonlama 

emotsional ta’sir qilishi bilan birga tomoshabinlarni bayramning faol 

ishtirokchisiga aylantirib, tomoshabinni, qahramonlar о‘rtasidagi u yoki bu 

qarama-qarshiliklarga bо‘lgan munosabatlari, kechinmalarida birga bо‘lishni talab 

qilmaydi. Shuning uchun ommaviy bayram va tomoshalar ssenariysida doimo 

qarama-qarshilikning bо‘lishi talab qilinmaydi. Masalan, «Navrо‘z», «Mehrjon», 

«Birinchi qadam» bayramlari, xalq sayillari. Bunday bayram va sayillarda 

teatrlashtirish janrlaridan foydalanilmasa umuman qarama-qarshilik bо‘lmasligi 

mumkin. 

Kulminatsiya - bu tadbirning eng qiziqarli chо‘qqisi demakdir. U о‘z-

о‘zidan yechimga olib keladi. Kulminatsiyani о‘zida ifodalagan epizod tо‘g‘ri va 

bevosita tomoshabinning fikri, tuyg‘ularini qо‘zg‘ash kuchiga ega bо‘ladi. 

Final - bu asarning yakuni, oxirgi eng muhim qismi. Finalda barcha voqea 

о‘z yechimini topadi. Final kо‘tarinki kayfiyatda, barcha ishtirokchilarning shо‘x-

shodonligi bilan yakunlanadi. Finalning yaxshi tugallanmasligi tomoshabin his-

tuyg‘ularining susayishiga, asar qimmatining pasayishiga olib keladi. Final  ba’zi 

hollarda butun ijrochilarning sahnaga ommaviy chiqishlarida, jamoa bо‘lib qо‘shiq 

aytishlarida namoyon bо‘ladi. 

Teatrlashtirilgan tadbirlarning kompozitsion tuzilishi ham adabiyotda 

bо‘lganidek har xil joylashishi mumkin. Masalan: tugun va qarama-qarshilik 

prologdan keyin kelishi yoki qarama-qarshilik va tugunning joyi almashishi ham 

mumkin. Bu holat tadbirning mazmun va maqsadiga asoslangan holda xato 

hisoblanmaydi. 

Ssenariy muallifi yuqoridagi talablarga tayangan holda puxta ssenariyni 

yaratadi. Rejissyor ssenariyni qо‘lga olar ekan uni eng avvalo tahlil qilib chiqadi. 

                     

21

 Mamatqosimov J.A. Ommaviy bayramlar rejissurasida sahna madaniyati. – Toshkent: Fan va texnologiya, 2009. – B.27-28. 

 

---

55 

 

Har bir ssenariy dramaturgiyaning umumiy talablariga javob bera olishi har 

bir epizodning dramaturgik jihatdan tugallanganligi, obrazli kartinaning, 

tomoshabinga beriladigan emotsional ta’sirini boshidan oxirigacha о‘sib borishi 

uning badiiylik darajasini belgilaydi . 

Shunday bо‘lishiga qaramay tomoshalar ssenariysi, teatr pyesasi yoki badiiy 

film ssenariysidan farqli boshqacha uslubda quriladi. Undagi publitsistik masalada, 

odatda, ahamiyatli, ijtimoiy hodisalarni aniq qahramonlarning shaxsi konfliktlari 

orqali emas, balki ijtimoiy konfliktning ahamiyati epik prinsipda namoyon bо‘ladi.  

Ommaviy bayram va tomoshalar ssenariy muallifi, о‘z ssenariysiga 

dramaturgik asarlardan parchalar olishi yoki aniq qahramonlar tо‘qnashuvini 

ifodalovchi dramaturgik xarakterdagi parchalarni о‘zi yozishi mumkin. Bundan 

tashqari uning ssenariysiga san’atning boshqa turlaridan –musiqa, qо‘shiq, 

xoreografiya, sport-plastik chiqishlar, kino va video lavhalar namoyish etish, 

poeziya va x.k.lar kiritilish mumkin. Albatta ssenariyda qancha kо‘p  badiiy   

vositalar qо‘llanilsa, shunchalik qiyin bо‘ladi. Lekin, g‘oyaviy-badiiy jihatdan 

yaxlit bо‘lgan asarni yaratish oson bо‘ladi. Shuning uchun ssenariy dramaturgiyasi, 

uni kompozitsion hal etilishi katta ahamiyatga egadir. Ommaviy bayram va 

tomoshalar ssenariysi tomoshabinga kо‘p qirrali emotsional ta’sir qilishdek 

imkoniyatga ega ekanligi, hamma vaqt ham tomoshabinni aniq qahramonlar 

orasidagi u yoki bu konfliktdagi kechinmalarni boshdan kechirishga unchalik jalb  

qilinmaydilar. Shuning uchun ommaviy  bayram  va  tomoshalar ssenariysi asosida  

konfliktning  bо‘lishi shart emas. Ba’zi  ssenariy  mavzularida  konflikt umuman 

talab qilinmaydi. 

Agar ssenariydagi u yoki bu epizodda qandaydir ta’sirli ijtimoiy konflikt 

davrni tasvirlayotgan bо‘lsa, demak butun ssenariy uni tasvirlashga qurilgan 

bо‘ladi. Ommaviy bayram va tomoshalarda tomoshabinga kuchli emotsional ta’sir 

kо‘rsatish uchun birgina uslubdan foydalanish shart emas. 

Bayram shart-sharoitiga keladigan bо‘lsak, u konflikt shart-sharoitining 

teskarisidir. Hatto – «kо‘z yoshlar bilan kutib olingan» g‘alaba bayrami, 

---

56 

 

dushmanga qarshi kurash g‘oyasi bilan sug‘orilgan bо‘lishiga qaramay - о‘z 

mazmuni bо‘yicha harbiy qarama-qarshilikning tugashiga bag‘ishlangan 

bayramdir.  

Shu vaqtgacha teatr dramaturgiyasi nazariyasi va amaliyotiga amal qilib 

kelgani uchun, har bir ommaviy bayram va tomoshada konflikt bо‘lishi kerak 

degan talabga rioya qilingan. 

Ommaviy bayram va tomoshalar dramaturgiyasining yoshligi, san’atning 

mustaqil bir kо‘rinishi sifatida endi odimlanayotganligi sababli, ming yillar 

davomida shakllanib kelayotgan dramaturgiyaning nazariyasiga tayangan. 

Ommaviy bayramlarning о‘ziga xos ssenariy yо‘nalishi deganda, ssenarist 

va rejissyorlarning g‘oyasiga javob beruvchi obrazlilik va tomoshaviylik bо‘lishi 

lozim. 

Ommaviy bayram, xalq sayillarida ekspozitsiya funksiyasini 

qatnashchilarning kostyumlashtirilgan, teatrlashtirilgan yurishlari bajarishi 

mumkin. 

Ekspozitsiya, tugun vazifasini esa she’riy tо‘ldirishlar, pyesalardan 

kо‘rinishlar, filmlardan parchalar qо‘shiqlar bajaradi.  

Ssenariy kompozitsiyasida asosiy harakatda, kurash jarayoni voqealardagi 

tо‘qnashuvlarning zanjiri namoyish etiladi. Ssenariyning bir qismi quyidagilarga 

bо‘ysunishi kerak. 

1.  Mavzuning jiddiy, g‘oyaviy qurilishi ssenariyning har bir epizodi bir-biri 

bilan g‘oyaviy kо‘prikchalar bilan birlashgan bо‘lishi shart. 

2.  Harakat rivoji  ekspozitsiya va tugun tomonidan harakat rivojlanish 

yо‘nalishi bо‘yicha kulminatsiya va yechimga olib boradi. Emotsional jihatdan 

kuchli epizodlardan, bо‘sh epizodlarga о‘tib bо‘lmaydi. Ommaviy harakatga 

ishtirokchilarni jalb qilish uchun bunday emotsional holatga, ishtirokchilarni ruhan 

tayyorlash lozim. 

3.  Har bir epizodni yakunlanganligi. Ssenariy doimo epizodlarga quriladi, 

ularning har biri о‘zining g‘oyasiga ega bо‘lib, albatta boshqa epizod 

---

57 

 

boshlanguncha tugallangan bо‘lishi lozim. Minatyurada har bir epizod ssenariyni 

qaytarib, tugallangan kompozitsiya shaklida bо‘lishi lozim. 

4.  Saflanishning kontrastligi. Bu talab ommaviy teatrlashtirilgan harakat 

kompozitsiyaga taalluqli bо‘lib, ta’sirchan vositalarni sintezlash jarayonida bir xil 

buyoqlarni asosiy vosita qilib kо‘rsatmaslik lozim. 

Harakat albatta  kulminatsiyaga olib kelishi kerak. Kulminatsiya jarayonida 

teatrlashtirishning g‘oyasi tо‘liq ochib beriladi. 

Bizga ma’lumki ommaviy bayram va tomoshalar ssenariychilari 

mutaxassislik sifatida oliy va о‘rta maxsus о‘quv yurtlarida tayyorlanmaydi. Bu 

funksiyani hozirgi kunda shoirlar va adiblar ma’lum ma’noda bajarmokdalar. 

Lekin baribir asosiy og‘irlik rejissyorlarning zimmasiga tushib, u ssenariy muallifi 

vazifasini bajarib kelmokda.   

G‘oya,  tashkilotchilardan (rejissyor, balayetmeyster, ssenarist va 

boshqa)lardan dasturlarni (nomerlarni) tanlab olish, qayta ishlash va yangiliklarni 

yaratishni talab qiladi. Mahalliy materiallar asosida ma’lum nomerlarning taxtligi 

tadbir rejasini tuzishga asos bо‘ladi va ssenariy yaratish jarayoni boshlanadi. 

Ommaviy tomosha harakatchan, tomoshaviy, emotsional obrazli bо‘lishi 

kerak. Unga statistik deklomatsiya, quruq gapli epizod va sahnalar mutlaqo tо‘g‘ri 

kelmaydi. Bu yerda dialog va monologlarni о‘rnini ramziy va allegorik  qurilishlar, 

plastik metaforalar obrazli mizanssenalar, assotsiativ tovushlar qatori va x.k.lar, 

xullas audio-vidual obrazlar sistemasi egallaydi. Bu narsa, ayniqsa ochiq havoda 

о‘tkaziladigan bayram tomoshalarida yaqqol kо‘rinadi. 

Amaliyot shuni kо‘rsatayaptiki, ba’zi tomoshalarning asosini asosan quruq 

matnlarning о‘zigina egallab, harakat ikkinchi о‘ringa tushib qolgan. 

Ba’zi rejissyorlar epizodlardagi adabiy matnlarni «Jonli kartina»lar bilan 

almashtirishga harakat qilmokdalar. Lekin harakatdan tashqaridagi obraz hech 

qanday effekt bermaydi. Konfliktsiz, kurashsiz bо‘lgan tomoshaning ommaviy 

harakatchan qatorlari faqatgina illyuyatratsiya vazifasinigina о‘taydi, xullas 

tomoshani zerikarli qilib qо‘yadi. Bu esa har qanday  tomosha san’ati uchun 

---

58 

 

fojiadir. 

Sahna harakatini jismoniy harakat bilan almashtirish stadionlarda 

о‘tkazilayotgan kо‘pgina tomoshalarda ham qо‘llanilmokda. Sportchi – 

rejissyorlarning kо‘payishi natijasida (trenerlar, ommaviy gimnastika chiqishlarni 

tayyorlaydigan mutaxassislar) ommaviy tomoshalarda musiqiy ritmik saflanishlar, 

sport nomerlari va x.k.larning ishlatilishi sababli, jismoniy tarbiya xarakterini 

egallab, teatrlashtirish uslubi yо‘q bо‘lib ketyapti. 

Hozirgi kunda о‘tkazilayotgan bayram tadbirlarida ba’zi rejissyorlar 

faqatgina prolog va  finalni sahnalashtirib, uning asosiy qismida konsert nomerlari 

namoyishi bilan shug‘ullanmoqdalar. Hatto mana shunday sharoitda ham rejissyor 

– ssenariy muallifi nomerlarning ketma-ketligi, janr va ritmlarni tо‘g‘ri 

joylashtirish, emotsional rivojlanishi haqida о‘ylashi kerak. 

Ommaviy tomosha – estrada konsertidek tayyor nomerlar prokati bо‘lmay, 

shu bilan birga qandaydir tezisni tasvirlash ham emas. Bu turli janrdagi nomerlarni, 

hujjatli materiallarni, kino-video, maxsus yozilgan matnlar va h.k.larning 

qorishmasi bо‘lib, undan yangi sifatli, yangi sintetik, kompleks janrdagi asar 

tug‘iladi. 

Oxirgi yillarda bizning ssenariy mualliflari va rejissyorlarimiz faqatgina 

ma’lum sanalargagina bag‘ishlangan ommaviy teatrlashtirilgan tomoshalarni 

sahnalashtirish bilan chegaralanmoqdalar.  

Jahon tajribasidan bizga ma’lumki, tarixiy obidalar, ommaviy 

teatrlashtirilgan tomoshalar о‘tkazish joyiga aylanib, minglab sayyohlarni о‘ziga 

jalb etmoqda. Masalan, Misr piramidalari, Fransiya va Germaniyadagi qasrlar, 

Chexiya, Bolgariya, Angliyadagi obidalarda kо‘p yillardan beri turli tovushli 

spektakllar, ommaviy teatrlashtirilgan tomoshalar о‘tkazib kelinmokda . 

Nahotki, bizning О‘zbekistonimizda Samarqand, Buxoro, Xiva, Shaxrisabz 

kabi shaharlardagi butun dunyoga mashhur tarixiy obidalarda shunday tomoshalar 

о‘tkazish mumkin emas? 

Ssenarist rejissyorlar bunga e’tibor berishganda, shu obidalarning tarixi 

---

59 

 

bilan bog‘liq tomoshalarni yaratishganda sayyohlik ham rivojlanar edi. 

Masalan, Samarqand shahrining Registon majmuasida о‘tkazilgan Amir 

Temur, Mirzo Ulug‘bek tavalludlariga bag‘ishlangan (Rejissyor B.Yо‘ldoshev) 

ommaviy teatrlashtirilgan tomoshalar о‘ziga xos uslubda hal etilgan. Tomoshani 

shu tarixiy obidada о‘tkazilishi, obrazlarning haqqoniyligini ta’minlab, 

tomoshaning emotsional ta’sir kuchini yanada oshirdi. Bu tomoshalarda joy 

harakatlanuvchi shaxsga aylandi. Bu yerning arxitektura xususiyatlari, tarixiy 

assotsiatsiyalar katta ahamiyat kasb etadi.  

Mirzo Ulug‘bekka bag‘ishlangan teatrlashtirilgan tomoshaning 

kulminatsiyasida Ulug‘bek yotgan beshikni osmondan (maxsus troslarga 

о‘rnatilgan beshik tepadan tushib keladi) tushib kelishi, о‘ziga xos allegorik 

g‘oyani ilgari surib, emotsional ta’sirli chiqdi.  

Hozirda bu ssenariylarni va sahnalashtirishni asosan teatr rejissyorlari 

amalga oshirmoqdalar. Tumanlarda u esa о‘rta maxsus ma’lumotga ega bо‘lgan 

musiqachilar yoki sportchilar ssenariy muallifi, rejissyorlik vazifasini 

bajarmoqdalar. Ssenariylar esa quruq she’r va qо‘shiqdan iborat bо‘lib, hech 

qanday ommaviy teatrlashtirilgan harakat, tadbirning kompozitsion qurilishiga 

ahamiyat berilmaganligi bu bayram tadbirining juda past darajada tashkil etilishiga 

sabab bо‘lmoqda. 

Oxirgi paytda о‘tkazilgan Sidney, Afina, Turin, Doxa, Pekin 

 

Olimpiadalarining ochilish va yopilish tomoshalari buning isbotidir.    

Ishonamizki, yaqin kelajakda biz va bizning tengdoshlarimiz shunday 

ommaviy bayram va tomoshalarning ssenariylarini yozib, puxta rejissura asosida 

kо‘p yillik tajribalarga tayangan holda, о‘zbek ommaviy tomosha san’atini 

nimalarga qodir ekanligini butun jahonga namoyish etishdek baxtga muyassar 

bо‘ladilar.