Baǵdarlama I. Kiris sóz qodirov Quvondiq

BAǴDARLAMA
I. KIRIS SÓZ
Qodirov Quvondiq – Ajiniyaz atındaǵı NMPI rektorı w.w.a.
II. BAYANATLAR
Kamalov Amangeldi- Ajiniyaz atındaǵı NMPI Fizika oqıtıw metodikası kafedrası baslıǵı,F.M.I.D.professor. Professor Ajimurat hajı Jumamuratovtıń Ómiri hám ilimiy pedagogikalıq jumısları
Mambetnazarov Bisenbay - Berdaq atındaǵı QMU professorı akademik “Ilimiy mektep jarata bilgen, órisi bálent alım”
Qoshanov Qutlımurat - Ajiniyaz atındaǵı NMPI Известному ученому, доктору сельскохозяйственных наук, профессору Ажимурату хажы Жумамуратову - 70 лет
III. QUTLIQLAWLAR
IV.KONCERT BAǴDARLAMASÍ


Húrmetli________________________!
Sizdi Qaraqalpaq mámleketlik jas tamashagóyler teartında 2023-jıldıń 15-dekabr kúni saat 11:00 de bolıp ótetuǵın Professor Ajimurat hajı Jumamuratovtıń 70 jıllıq yubiley saltanatına mirat etemiz.



PROFESSOR AJIMURAT HAJÍ JUMAMURATOVTÍŃ ÓMIR JOLÍ HÁM ILIMIY-DÓRETIWSHILIK ISKERLIGI HAQQÍNDA
Professor Ajimurat hajı Jumamuratov 1953-jılı Qońırat rayonında dıyqan shańaraǵında tuwılǵan. 1970-jılı rayondaǵı 7-sanlı orta mektepti tabıslı tamamlap, sol jılı Qaraqalpaq mámleketlik pedagogikalıq institutı Fizika-matematika fakultetiniń «Fizika hám ulıwma texnikalıq pánler (miynet)» qánigeligine kirip, onı 1975-jılı ayrıqsha bahalarǵa tamamladı. Sol jıldıń 1-sentyabrinde usı instituttıń «Óndiris tiykarları» kafedrasına oqıtıwshı etip qaldırıldı. 1977-jılı Tashkent mámleketlik universitetiniń «01.04.16-Atom yadrosı hám elementar bóleksheler fizikası» qánigeligi boyınsha aspiranturaǵa kirip, 1978-jıldan baslap Moskva oblastınıń Dubna qalasındaǵı Yadronı izertlewdiń birlesken institutınıń yadrolıq problemalar laboratoriyasında «Qısqa jasawshı yadrolardıń qásiyetlerin yadrolıq spektroskopiya usılları menen izertlew» temasın orınlaw ushın ilimiy saparda boldı. 1983-jılı 1-iyunde Ózbekstan Respublikası pánler akademiyasına qaraslı Yadro-fizika institutınıń ilimiy keńesinde jaqlap, fizika-matematika ilimleriniń kandidatı degen ilimiy dárejeni alıwǵa miyasar boldı.
1997-jılı «Aral mashqalası hám ekosistemadaǵı mikroelementlerdiń bólistiriliw nızamlılıqların izertlewdiń áhmiyeti». Nókis. BILIM 1997 j. t. 1000, 9. 8 b. t. 152 bet. birinshi doktorlıq monografiya baspadan jarıq kórdi. Sol tiykarda doktorlıq dissertatsiyanı DK «180.01.20-Topıraq ilimi hám agroximiya» institutınıń ilimiy keńesinde «Neytron aktivaciyalıq usıldı Aral boyı aymaǵında suwǵarılatuǵın jerlerdiń geoximiyalıq hám

agroximiyalıq ahwalların úyreniwge qollanıw hám olardı jaqsılaw jolları» degen temada 06.01.04-Agroximiya qánigeligi boyınsha Qaraqalpaqstanda birden bir awıl xojalıǵı ilimleriniń doktorı ilimiy dárejesin alıwǵa eristi. 200 den aslam ilimiy jumıslardıń avtorı, eki monografiya, joqarı oqıw ornı ushın eki sabaqlıq, tórt oqıw qollanba, kásip óner kolledjleri ushın bir oqıw qollanba, 14 nan aslam oqıw-metodikalıq qollanba jazıp, ilimiy jumıslardı shet ellerdiń ataqlı jurnallarında rus hám ingliz tillerinde baspadan jarıq kórdi, kóplegen ilimiy konferenciyalarǵa qatnasıp dokladlar isledi. 2000-jılı «Yadro fizikasınan laboratoriyalıq jumıslar» degen oqıw qollanba, Joqarı oqıw orınları ushın jazılǵan oqıwlıq, oqıw qollanbalar jarısında jeńimpaz bolıp, aqshalay sıylıqlandı.
1980-1992-jıları Qaraqalpaq mámleketlik universitetiniń fizika fakultetinde assistent, aǵa oqıtıwshı lawazımlarında, 1992-jılı pedagogikalıq instituttıń «Fizika hám miynetti oqıtıw metodikası» kafedrasınıń baslıǵı, 1992-1998-jıllar «Ulıwma texnikalıq pánler kafedrasınıń» baslıǵı, 1998-jılı instituttiń «Ekonomika hám isbilermenlik» prorektorı, 2000-2001-jılları «Kásip tálimi hám onı oqıtıw metodikası» kafedrasınıń baslıǵı, 2001-2008-jılları «Kásip tálimi» kafedrasınıń docenti, 2008- jılı «Ulıwma fizika» kafedrasınıń baslıǵı, 2009-jildan usı kafedranıń docenti, 2012-jıldan Fizika oqıtıw metodikası kafedrasınıń professorı. Sonıń menen birge kóplegen ilimiy grantlarǵa («Aral krizisiniń keri tásirinde Qubla Aral boyındaǵı geoximiyalıq jaǵdaylardıń buzılıwı» GNTP-13, GNTP-7 2003-2005-jılları 10 mln. sum) proektke (2010-2011-jıllarǵa «Regionda ekologiyalıq Qáwipsizlikti támiyinlew ushın Qubla Aral boyındaǵı geoximiyalıq jaǵdaylardı izertlew» degen teması boyınsha xalıqaralıq













1