Tükün davamlılığı. Bu göstəriçi tükün yoğunluğundan, mikro quruluşundan, habelə qazmaq qatının və nüvəçiliyin fərq nisbətindən də çox asılıdır.
Gön qatının xassələri. Gön qatının xassələri sırasına qalınlığı, dartılma zamanı davamlılığı, gön qatının soyulmaya qarşı dözümlülüyü, plastikliyi aiddir.
Gön qatının qalınlıq göstəricisi emal edilmiş xəz dərilərində 0,2 mm-dən 1,6 mm-dək ola bilir. Qalınlığına görə xəz dərilər 3 qrupa bölünürlər:
1. nazik gön qatına malik olanlar, buraya dələ, uçan dələ, sincab, su siçovulu, samir, sünbülqıran heyvanların dəriləri aiddir;
2. orta qalınlığa malik olanlar; buraya qaragül, keçi, sibir tülküsü, pişik, ev dovşanı, mişovul, səhra tülküsü, samur, meşə dələsi dəriləri aiddir;
3. qalın gön təbəqəsinə malik olanlar: buraya bəbir, porsuq, canavar, su samuru, dayça, qoyun, qunduz, suiti dəriləri aiddir.
Dostları ilə paylaş: |
