Baki döVLƏt universiteti

10. MİKROİQTİSADİ SƏVİYYƏDƏ DÖVLƏTİN İNVESTİSİYA SİYASƏTİNİN ƏSAS İSTİQAMƏTLƏRİ

Müasir bazar iqtisadiyyatında investisiya çox tez rastlanan ifadədir. Investisiya latin sözüdür. Investro geyindirmək deməkdir. İnvestisiya müəyyən müddətdə əmtəə və istehsal vasitələrinin istehsalına vəya ehtiyatlarına sərf olunan vəsaitdir.

Bazar iqtisadiyyatı şəraitində cəmiyyətin artmaqda olan sosial-iqtisadi təlabatının ödənilməsi mövcud istehsal potensiyalından tam və səmərəli istifadə edilməsi, ETT-nin nəaliyyətlərinin istehsala tətbiqi və bu kimi yeniliklər investisya qoyuluşlarından asılıdır. Bu baxımdan, cəmiyyətin həyatında investisya qoyuluşlarının əhəmiyyəti və rolu son dərəcə artmış olur.
Respublikada geniş miqyas almış xarici ölkələrin investisya fəaliyyətləri Azərbaycan Respublikasının 1995-ci ilin 13 yanvarda qəbul etdiyi «İnvestisiya fəaliyyəti haqqında» qanuna əsasən tənzimlənir.
Mikroiqtisadiyyatda investisiya yeni kapitalın istehsa­lın maddi-əşya elementlərinin yaradılması, həmçinin şəxsi amilini (insanın) lazımi bacarıqlara və vərdişlərə yiyələnmə­sinə vəsait sərfi kimi başa düşülür. Ümumilikdə isə gəlir (mənfəət) və ya sosial səmərə əldə etmək məqsədi ilə sahibkarlıq və digər fəaliyyət növləri obyektlərinə qoyulan maliyyə vəsaitindən, habelə maddi və intellektual sərvətlərdən ibarətdir.
Bazar iqtisadiyyatı şəraitində investisiya siyasətinin ən səciyyəvi xüsusiyyətlərindən biri mövcud müəssisələrin texnika ilə təchizinə və yenidən qurulmasına yönəldilən əsaslı vəsait qoy­uluşunda avadanlıq və maşınlar üçün məsrəfin xüsusi çəkisini yüksəltməkdən ibarətdir. Bu istiqamətdə xərclərin getdikcə art­ması əsas istehsal fondlarının yeniləşməsinə səbəb olur.
İnvestisiya siyasəti dedikdə, investisiya qoyuluşlarının əsas istiqamətlərini iqtisadiyyatın aparıcı sahələrində cəmləşdirilməsi üzrə kompleks tədbirləri müəyyən edən təsərrüfat qərarlarının məcmusu başa düşülür. İnvestisiya vasitəsi ilə respublikanın makro-mikro iqtisadiyyatının yüksək inkişafına nail olunur. Eyni zamanda iqtisadiyyatın tarazlığı, onun səmərəliliyinin yüksəldil­məsi və milli gəlirin artımı təmin edir. İnvestisiya siyasətinin ən mühüm vəzifəsi mövcud ehtiyat­lar­­dan səmərəli istifadə etməklə vəsaiti ETT-nin sürətlən­diril­mə­si­ni təmin edən sahələrin xeyrinə yenidən bölüşdürülməsindən iba­rətdir.
Dövlət xarici investorlar üçün aşağıdakı təminatları verir :

1. 
   Xarici investisiyanın hüquqi müdafiəsi : Azərbaycan Respublikasının ərazisində xarici investisiya hüquqi cəhətdən tam və qeyd-şərtsiz müdafiə olunur
   
2. 
   Qanunvericiliyin dəyişdirilməsi ilə bağlı təminatlar
   
3. 
   Milliləşdirmə və rekvizisiya ilə bağlı təminatlar
   
4. 
   Xarici investorların zərərinin kompensasiya edilməsi və ödənilməsi
   
5. 
   Investisiya fəaliyyətinə xitam verildikdə təminatlar
   
6. 
   Xarici valyuta ilə gəlirlərin və başqa məbləğlərin köçürülməsinə təminatlar
   
7. 
   Mənfəətdən istifadə üçün təminatlar
   

Ümumilikdə investisiya əsasən 2 istiqamətdə qoyulur. əsas kapitala və maliyyə aktivlərinə. Bundan əlavə investisiyalar 2 yerə bölünür. Xüsusi və dövlət investisiyalarına. Investisiyalar aşağıdakı növlərə də ayrılır

1. 
   Daxili investisiyalar
   
2. 
   Xarici investisiyalar
   
3. 
   Real vəya birbaşa investisiyalar
   
4. 
   maliyyə investisiyalar
   
5. 
   intellektual investisiyalar
   

ƏDƏBİYYAT :

1. İqtisadi nəzəriyyə. ADİU. Çaşıoğlu. Bakı - 2001
2.İqtisadi Nəzəriyyə. Sabir İbadov
3. http://az.wikipedia.org/wiki/İqtisadi_nəzəriyyə