Baki universitetiNİn xəBƏRLƏRİ

---

BAKI UNİVERSİTETİNİN XƏBƏRLƏRİ 

№4      

 

Humanitar  elmlər seriyası 

  2011 

 

 

 

DİLÇİLİK  

 

 

UOT 81”37; 003; 81”22 

 

FOLKLORDA  ŞƏXS  ADLARININ TƏKRARININ   

ÜSLUBİ İMKANLARI 

 

T.M.HACIYEV*, N.M.HACIYEVA** 

Bakı Dövlət Universiteti* 

AMEA Nəsimi Dilçilik İnstitutu**  

[e-mail]

 

Məqalədə dastan və nağıllarda işlədilmiş şəxs adlarının üslubi xüsusiyyətlərindən olan 

təkrarın müxtəlif formaları  və bu formaları meydana çıxaran məqsəddən bəhs olunur. 

Göstərilir ki, təkrar, əsasən üslubi məqsəd daşısa da, bəzən daha çox informativ yükə malik 

olur. Şəxs adları müraciət məqamında işlənərkən əsas məqsəd emosional-ekspressiv məzmun 

yaratmaqdır. Təsdiq məqamında isə təkrarın təyinedici üzvlə işlənməsi əhəmiyyət daşıyır. Bu 

məqamda təkrarın “ki” ədatı ilə  işlənməsi ekspressiyanı daha da gücləndirir. Bəzən təkrar 

ediləsi ad ellipsisə  uğrayır və  təyinedici üzv onu əvəz edir ki, bu fakt danışıq dilinin qənaət 

meyli ilə bağlıdır.