|
Fransada beşinci respublika. Konstitusiyanın qəbulu
1958-ci il iyunun 1-də Fransa Milli Məclisi Şarl de Qollun baş nazir təyin edilməsi və ona fövqəladə səlahiyyətlər verilməsi barədə qərar qəbul etdi. Qısa müddətdə yeni konstitusiya layihəsi hazırlandı. 1958-ci il sentyabrın 28-də yeni konstitusiyanın layihəsi ümumxalq müzakirəsinə çıxarıldı. Referendumda iştirak edənlərin 79%-i konstitusiya layihəsini bəyəndi. Beləliklə, ölkəda V respublika yaradıldı. Qəbul edilən konstitusiya dövlət idarəçilik sistemini əsaslı olaraq dəyişdirdi. Fransa prezidentli respublika elan edildi. Prezident parlament üzvləri xüsusi seçkiçilər kollegiyası tərəfindən 7 il müddətinə seçilirdi. O, dövlətin başçısı, icra hakimiyyətinin rəhbəri ve silahlı qüvvələrin ali baş komandanı vəzifələrini əlində cəmləşdirirdi.
Prezident qanunları təsdiq edirdi. O, hətta parlamentin təsdiqinə ehtiyac olmadan dekretlər verə, parlamenti buraxa yeni seçkilər keçirə bilərdi. Milli Məclisin qanunverici təşəbbüsü və hökumətin tərkibini təsdiq etmek hüququ var idi. V respublikanın konstitusiyasında IV respublikanın konstitusiyasında təsbit olunan vətəndaşların əsas hüquq və vəzifələri saxlanılırdı.
Dostları ilə paylaş: |
