Konstitusiya qəbul edildikdən sonra ölkədə parlament seçkilərinə hazırlıq başlandı. Şarl de Qollun tərəfdarları 1958-ci il oktyabrın 1-də yeni siyasi partiya yaratdılar. Bu partiya Yeni Respublikanı Müdafiə ittifaqı adlandırılırdı. 1958-ci il oktyabrın 7-də majoritar seçki sisteminin tətbiq edilməsinə dair dekret verildi. Seçkilərin birinci mərhələsi 1958-ci il noyabrın 23-də, ikinci mərhələsi isə - noyabrın 30-da keçirildi. Şarl de Qollun partiyası ikinci turda böyük səs çoxluğu ilə birinci yerə çıxdı. Səsvermənin majoritar sistemi üzrə de Qollun partiyası 188 deputat mandatı qazandı. Nəticədə Şarl de Qoll ve onun tərəfdarları qələbə qazandılar 1958-ci il dekabrın 21-də Şarl de Qoll respublikanın prezidenti seçildi. Baş nazir vəzifəsinə de Qollun partiyasının nümayəndələrindən biri olan M.Debre təyin edildi. 1958-ci ildən Fransanın həyatında Qollizm dövrü başladı. Ölkənin siyasi təcrübəsinə on mühüm məsələlər barəsində referendum keçirmək daxil edildi.
