Bank hisobi, tahlil va audit
Respublikada bank auditini shakllanish bosqichlari va
Yüklə 5,01 Kb. Pdf görüntüsü
|
|
8.3.
Respublikada bank auditini shakllanish bosqichlari va rivojlanish ustiqbollari. O‘zbekiston Respublikasi iqtisodiyotining jahon iqtisodiy integratsiyasiga asta-sekin qo‘shila borishi barcha sohada bo‘lgani kabi auditorlik faoliyatida ham 118 tub o‘zgarishlarni amalga oshirishni taqozo etmoqda. SHu boisdan, auditni xalqaro talablarga muvofiq o‘zgartirish keyingi vaqtlarda O‘zbekiston uchun tobora dolzarb ishga aylanmoqda . Bozor munosabatlarini jadallashtirishda respublikamizning jahon bozoriga yanada chuqurroq kirib borishi iqtisodiy islohotlarni rivojlantirishni, iqtisodiy munosabatlarni yanada kengroq amalga oshirish uchun auditorlik faoliyatini xalqaro standatlarga moslashtirishni taqozo qilmoqda. O‘zbekiston Respublikasining mustakil deb e’lon kilinishi, uning iktisodiy- ijtimoiy yunalishida tub o‘zgarishlar olib keldi. Mustaqillik yillarida auditning shakllanishi va rivojlanishi uchun bir qator islohotlar amalga oshirildi. Avvalambor audit va auditorlik munosabatlarni tartibga soluvchi huquqiy baza shakllantirildi. Auditning huquqiy asosi ham uni isloh qilish bosqichlariga mos ravishda rivojlanib bordi. Yani audit huquqiy asosining rivojlanishi auditorlik faoliyatini isloh qilishning bosqichlari bilan muvofiq tarzda amalga oshirilib borildi. Moliyaviy tizimda islohotlarni chuqurlashtirish siyosatini izchil amalga oshirish va respublika bozor infrastrukturasini takomillashtirish natijasida respublikada auditorlik faoliyatining kompleks me’yoriy-huquqiy asosi yaratildi, uning faol rivojlanishi uchun amaliy iqtisodiy rag‘batlar va soliq imtiyozlari hamda preferensiyalar yaratilgan, litsenziyalarni berish tizimi jiddiy ravishda soddalashtirildi va erkinlashtirildi. O‘zbekistonda auditorlik faoliyatini isloh qilishni shartli ravishda 3 bosqichga bo‘lib o‘rganishimiz mumkin. 1 - bosqich 1992-1999 yillarni; 2 - bosqich 2000-2006 yillarni; 3 - bosqich 2007 yildan – hozirgacha bo‘lgan vaqtni o‘z ichiga oladi. Yuqoridagi bosqichlarning har birida maxsus dasturlar orqali alohida ishlar olib borilgan. Birinchi bosqichni xususiyati shundan iboratki, unda qonunchilik bazani yaratishga alohida etibor qaratilgan. 1– bosqichdagi dastlabki qadam 1992- yil 9 dekabrda “Auditorlik faoliyati to‘g‘risida”gi qonun qabul qilinishi bo‘ldi. Ammo bu qonun umumiy auditga xos 119 bo‘lib unda bank auditiga taaluqli qism mavjud emas edi . SHuning uchun 2000- yil 26 mayda “Auditorlik faoliyati to‘g‘risida”gi qonunning yangi tahriri qabul kilindi. Qonun 29 moddadan tarkib topgan bo‘dib, unda auditorlik faoliyatini tashkil kilish, uni amalga oshirish tartibi, auditor va audit tashkilotlariga auditorlik faoliyatinini amalga oshrish uchun qo‘yilgan malakaviy va litsenziya talablaridan iborat. Tijorat banklarida o‘tkazilayotgan auditorlik tekshirishlari sifati va ta’sirchanligini oshirish, tashqi audit faoliyatini takomillashtirish, auditorlik firmalari o‘rtasida erkin va sog‘lom raqobat munosabatlarini kuchaytirish hamda aholi va sarmoyadorlarning bank tizimiga bo‘lgan ishonchini yanada oshirish maqsadida 1996 yil 24 iyulda O‘zbekiston Respublikasi Prezidentining “Bank auditi tizimini rivojlantirish chora-tadbirlari to‘g‘risida”gi Farmoni qabul qilingan edi. Mazkur farmon doirasida Respublikamiz bank auditini mustahkamlash va takomillashtirish maqsadida o‘tgan davr mobaynida Markaziy Bank tomonidan bir qator ishlar amalga oshirildi. O‘zbekiston Respublikasi bank tizimiga kiruvchi tijorat banklari auditini o‘tkazish borasidagi ishlarni muvofiqlashtirish maqsadida tijorat banklariga litsenziyalar berish va ular faoliyatini tartibga solish departamenti tarkibida “Auditni muvofiqlashtirish bo‘limi” tashkil etildi. Shuningdek, mazkur Farmonga muvofiq tijorat banklarida audit tekshiruvlarini o‘tkazish, auditorlik firmalari va auditorlarga banklarda audit o‘tkazishga ruxsat berishning huquqiy asoslarini yaratish maqsadida Markaziy Bank tomonidan “O‘zbekiston Respublikasi Markaziy Bankining bank auditini o‘tkazishga qo‘yadigan talablari to‘g‘risida”gi, “Bank auditini o‘tkazish huquqini beruvchi sertifikatni berish, bekor qilish va auditorlarni malaka attestatsiyasidan o‘tkazish to‘g‘risida”gi, “O‘zbekiston Respublikasi bank auditini o‘tkazish uchun sertifikat berish va auditorlarni malaka attestatsiyasidan o‘tkazish komissiyasi to‘g‘risida”gi bir qator nizomlar ishlab chiqildi. Ushbu davrda amalga oshirilgan eng katta ishlardan biri –bu 1997-yilning mart oyidan boshlab xalqaro standartlar asosida ishlab chiqilgan yangi bank hisobvaraqlar rejasining amalda joriy qilinishi bo‘ldi. 120 Bank auditi huquqiy asosining yanada mustahkamlanish yulidagi qadam keyingisi O‘zbekiston Respublikasi Markaziy Banki tomonidan 1998 yil 4 iyulda 403-sonli “O‘zbekiston Respublikasi banklarida audit tekshiruvlarini o‘tkazish to‘g‘risida” gi nizomning qabul qilishi bo‘ldi. Ushbu nizomga hozirgacha turli o‘zgartirish kiritildi. Jumladan 1999yil 18 sentyabrda, shuningdek 2000 yil 24 iyulda uning yangi tahriri qabul qilindi. Nizom - bank auditini o‘tkazish tartibi va uni amalga oshirish uchun tegishli litsenziya (1-ilova) va malaka seritifikatini (2- ilova) olishga va uni amal qilishiga doir qo‘yiladigan talablardan tashkil topgan. Nizomga muvofiq bank auditi bilan shug‘ullanish uchun attestatsiya va litsenziyalash Markaziy bank tomonidan, bank auditi bo‘yicha auditorlik faoliyati bilan shug‘ullanish uchun attestatsiya o‘tkazish va litsenziya berish komissiyasi tomonidan amalga oshiriladigan bo‘ldi. Auditni isloh qilishning 2- bosqichi 2000-2006 yillarni o‘z ichiga oladi va u 2000- yil 26 mayda “Auditorlik faoliyati to‘g‘risida”gi qonunning yangi tahriri qabul kilinishi bilan boshlanadi. Ushbu qonun bank auditini ham qamrab olgan. Bundan tashqari bu davrda o‘n birta auditorlik faoliyatining milliy standartlari ro‘yxagga olindi.Shuningdek mamlakatimizda “Auditorlik faoliyatini takomillashtirish va auditorlik tekshirishlarning ahamiyatini oshirish to‘g‘risida”gi Vazirlar Mahkamasining 2000 yil 22 sentyabrdagi 365-sonli qarori va bir qator auditga oid me’yoriy hujjatlar qabul qilindi. Keyingi auditni isloh qilishning 3- bosqichi 2007 yildan boshlanib hozirgi vaqtgacha bo‘lgan davrni o‘z ichiga oladi. Bu davr auditorlik faoliyatini yanada takomillashtirishga bag‘ishlangan davr desak adashmaymiz. Fikrimiz dalili sifatida esa “Auditorlik tashkilotlari faoliyatini yanada takomillashtirish hamda ular ko‘rsatayotgan xizmatlar sifati uchun javobgarlikni oshirish to‘g‘risida”gi O‘zbekiston Respublikasi birinchi Prezidentining 2007 yil 4 apreldagi PQ-615- sonli Qarori qabul qilinganligini keltirish mumkin. Ushbu qarorda auditorlik xizmatlari sifatini oshirish, auditorlik tashkilotlarini tashkil qilishga oid bir qator talablar belgilangan. Auditorlik tashkilotlari litsensiya talablari va shartlariga rioya qilishini O‘zbekiston Respublikasi Moliya vazirligi har uch yilda kamida bir 121 marotaba tekshirib turishi borasida talab joriy qilindi. Auditorlik tashkilotiga esa litsenziyani olgandan keyin litsenziya talablari va shartlariga nomuvofiqlikni ma’lum muddat davomida bartaraf etish imkoniyati berilgan. Yüklə 5,01 Kb. Dostları ilə paylaş:
|