Bemorlarning

Periferik asab tizimi kasalliklari

Asab tizimi kasalliklari ichida hammadan ko‘p tarqalgani — bu periferik asab tizimi kasalliklari. Zararlanish periferik asab tizimining hamma qismlarida sodir bo‘ladi: orqa miya nerv ildizlarining zararlanishi — radikulit, orqa miya orqa tugunlarining zararlanishi — ganglionit, nerv chigallarning zararlanishi — pleksit, bir necha periferik nervlarning zararlanishi — poli- nevrit, bitta periferik nervning zararlanishi — mononevrit yoki nevrit deb ataladi.
Periferik asab tizimi kasalliklari orasida juda ko‘p uchraydigani — bu nevritlar (alohida nervlarning yallig‘lanishi) va radikulitlar. Bularni keltirib chiqaradigan sabablar turli xil. 1. Yuqumli va boshqa kasalliklardan keyin (gripp, sil, difteriya, brusellyoz, revmatizm, diabet va bosh.). 2. Toksik sabablar (moddalar). Alkogol va boshqa turli xil zaharli kimyoviyatlar.

3. 
   Turli xil jarohatlardan, nerv tolalarining qisilishidan keyin ham paydo bo‘ladi. Har bitta nerv ma’lum joyda yotadi va suyak hamda tog‘ay
   

oralig‘idan o‘tadi. Bu suyak va tog‘aylarda o‘zgarishlar bo‘lib, ular o‘sadi va periferik nervlarni bosib, qisilishga olib keladi. Radikulitlarni keltirib chiqaradigan jarayonlar umurtqa pog‘onasidagi birlamchi o‘zgarishlardir. Bu o‘zgarishlar umurtqa pog‘onasida kuzatiladigan moddalar almashinu- vining buzilishi natijasida kelib chiqadi. Osteoxondroz umurtqalar orasidagi tog‘ay to‘qimalarining o‘zgarishi natijasida namoyon bo‘ladi. Spina bifida — umurtqalar orasidagi oraliqning bitmay qolishi. Ko‘p noto‘g‘ri, qaltis harakatlar vaqtida, og‘ir yuk ko‘targanda umurtqalararo disk joyidan siljiydi. Natijada asab, tolalarini qisib qo‘yadi.
Nevritning asosiy belgilari nerv yo‘li bo‘ylab og‘riq paydo bo‘lishi, asab tizimini harakatlantiruvchi va sezuvchi vazifalarining yo‘qolib qolishi — periferik asab falaji boshlanib mushaklar atoniyasi va atrofiyasi paydo bo‘lishi, arefleksiya, og‘riq sezgisining pasayishi yoki yo‘qolishi, terida trofik o‘zgarishlar: terining yupqa tortib, quruq bo‘lib qolishi, sochlarning to‘kilib ketishi, teri rangining o‘zgarishi, tirnoqlarning mo‘rt bo‘lib qolishi.