Bilim sohasi: 100000- gumanitar fanlar Ta’lim sohasi: 110000 –Pedagogika Ta’lim yo’nalishi: 5110900- pedagogika va psixologiya

1. O’QUV MATERIALLARI


1-mavzu: Rivojlanish psixologiyasining predmeti va vazifalari.
Asosiysavollar:

1. 
   Rivojlantirish psixologiyasi fanining predmeti.
   
2. 
   Rivojlantirish psixologiyasi fanining nazariy va amaliy vazifalari.
   
3. 
   Psixik rivojlanish determinatsiyasi muammosi.
   
4. 
   Rivojlanish psixologiyasining asosiy tushunchalari.
   

Mavzuga oid tayanch tushuncha va iboralar:
Predmet, obekt, vazifa, determinatsiya, rivojlanish, yosh psixologiyasi, psixologik yosh.
1-savol bo’yicha o’quv maqsadi: Rivojlantirish psixologiyasi ontogenezda normal, sog’lom insonning o’zgarishi va rivojlanishini o’rganadigan fan ekanligi, uning predmeti va bo’limlari haqida talabalarda tushinchani shakllantirish


1- savolbayoni:Rivojlantirish psixologiyasi – psixologiya fanlarining bir tarmog‘i bo‘lib, shaxs rivojlanish jarayonining qonuniyatlari va aniq dallillari, yosh xususiyatlari va turli yosh davrlaridagi psixik o‘zgarishlar dinamikasini o‘rganadi.
Rivojlantirish psixologiyasining o‘rganishob’ekti – ontogenez jarayonida shakllanuvchi, rivojlanuvchi va o‘zgaruvchi sog‘lom inson. Rivojlanish psixologiyasi turli yosh davrlarida inson hulq - atvorida yuzaga keluvchi o‘zgarishlarni kelib chiqish sabablarini aniqlaydi va ularni tavsiflaydi, insonlardagi ko‘nikma va malakalarni hosil bo‘lish qonuniyatlarini o‘rganadi¹. E’tibor markazida esa – “inson hayot yo‘lining turli yosh davrlari uchun xosbo‘lgan psixologik xususiyatlar shakllari”² turadi. Yosh davrlar psixologiyasi o‘zining tadqiqot vazifasi sifatida “insonning tug‘ilganidan boshlab to o‘limigacha bo‘lgan davrni o‘z ichiga oluvchi to‘liq psixik rivojlanishni” hamda oliy vazifasi sifatida “doimiy o‘zgarib boruvchi tashqi muhitda – o‘zgaruvchi va rivojlanuvchi individni o‘rganish”³ deb qaraydi.
Rivojlantirish psixologiyasi predmeti – ontogenezda psixik rivojlanishning yosh davrlari, bir yosh davridan boshqasiga o‘tish bosqichlari va mexanizmlari, umumiy qonuniyatlar, tendensiyalar va yo‘nalganlikni aniqlash.
Rivojlantirish psixologiyasi bir qancha sohalarga bo’linadi:

• 
  Bolalar psixologiyasi;
  
• 
  Kichik maktab yoshidagi o’quvchilar psixologiyasii;
  
• 
  o‘smir psixologiyasi;
  
• 
  ilk o‘spirinlik davri psixologiyasi;
  
• 
  katta yoshdagilar psixologiyasi;
  
• 
  keksalik davri psixologiyasi (gerontopsixologiya).
  

Yosh davrlari psixologiyasining eng muhim qismlaridan biri – bolalar psixologiyasi. D.B.Elkonin, o‘zining “Bolalar psixologiyasiga kirish” asarida, uning predmetini “inson shaxsini himoyasiz go‘dakdan turli faoliyatlarni amalga oshiruvchi shaxsga aylanish jarayoni”⁴ deb ko‘rsatgan.