Tayanch iboralar: harakat ko’nikmasi, harakat malakasi, oliy tartibdagi malaka, harakatni bajara olish, malakaning o’ziga xos belgilari, notekis shakllanuvchi malaka, malakaning so’nishi, malakaning ijobiy ko’chishi, malakaning salbiy ko’chishi.
Harakat ko’nikmalari va malakalari
Jismoniy tarbiyaga xos bo’lgan ko’p qirrali vazifalarning barchasi harakatni bajara olish va harakat malakasining shakllanishiga bog’liqdir. Bu jarayonga xos qonuniyatlarni bilish harakat faoliyatlarini o’qitishning barcha bosqichlaridagi mazmunning to’g’ri va ratsional bo’lishini ta’minlaydi, harakat faoliyatlarini egallashdagi notekisliklarga barham beradi va ta’limda shaklni o’zgartirib yo’lga qo’yish uchun imkoniyat yaratadi, darslar tizimini talab darajasiga yaqinlashtirish, tayyorlov va yo’llanma beruvchi mashqlardan samarali foydalanib, malakani ijobiy va salbiy ko’chirishni ta’minlaydi. Harakat faoliyatlarini o’qitish jarayonida tananing u yoki bu qismida harakatni boshqarish xususiyati o’zgaradi, natijada harakat faoliyatini egallash darajasi ortadi. B.A.Ashmarin bu jarayonni quyidagicha ifodalagan:
Harakat faoliyatini o’rgatish - Harakatni bajara bilish
- Harakat malakasi
- Oliy tartibdagi harakat
