BiOFİZİka izahat vərəqi

---

BİOFİZİKA 
 
İzahat vərəqi 

Tərtib olunan proqram BDU-nin Biofizika və molekulyar biologiya 

kafedrasında “Biologiya” (tədris yükü 60 s, o cümlədən 30 s. mühazirə, 30 s. 
laboratoriya məşğələsi) ixtisası üzrə ixtisaslaşan tələbələrə oxunan “Biofizika” 
fənni üçün nəzərdə tutulmuşdur. 
 
Fənnin məqsədi: 
- Bioloji elmlər arasinda biofizikanın vacib rolunu və yerini izah etmək; 
- Biofizikanın bir elm sahəsi kimi predmetini və araşdırdığı problemləri 
tələbələrə catdırmaq; 
- Bioloji sistemlərdə baş verən fizioloji proseslərin fiziki- kimyəvi 
mexanizmlərini müəyyənləşdirmək; 
-Canlı sistemlərdə baş verən membran proseslərinin qanunauyğunluqlarını 
tələbələrə aşılamaq; 
-Mühitin bir sıra fiziki-kimyəvi amillərinin canlı sistemə təsirinin biofiziki 
mexanizmini öyrətmək. 
Fənnin mənimsənilməsi nəticəsində tələbələr
Bilməlidirlər: 
-
Biofizikanın təbiət elmləri sırasında yerini və vəzifələrini;
-
Bioloji kinetikanın xüsusiyyətlərini;
-
Termodinamika qanunlarının biologiyada tətbiqini;
-
Makromolekulyar strukturun və proseslərin fiziki-kimyəvi xüsusiyyətlərini;
-
Membranın həyatı vacib proseslərin icrasındakı rolunu; 
-
Fotobioloji və radiobioloji proseslərin fiziki-kimyəvi xüsusiyyətlərini;
-
Ekoloji proseslərin tənzimlənməsinin əsaslarını.
-
Bacarmalıdırlar: 
-
Əsas biofiziki metodlardan müstəqil istifadə etməyi; 
-
Hüceyrə sisteminin bir sıra fiziki-kimyəvi göstəricilərinin dəyişmə 
qanunauyğunluğunu tədqiq etməyi; 
-
Canlı sistemdə baş verən entropiya dəyişikliyini izah etməyi; 
-
Biofiziki metodlardan istifadə etməklə hüceyrənin membran sistemində baş 
verən sərbəst radikal proseslərini tədqiq etməyi.