initsirlovchi nukleotid deb nomlanadi. Ko‗pincha bu purin asosli nukleotid hisoblanadi. Kalta
oligonukleotid sintezlangandan keyin δ-subbirlik fermentdan ajraladi va keyingi
polimerlanishning davomi (elongatsiya)ni minimal ferment (kop-ferment) deb
ataladigan α, β, β´ kompleksi amalga oshiriladi. δ-Subbirlikning transkripsiya
jarayoni boshqariluvining
ijobiy omili deb hisoblash mumkin.
DNKdagi transkripsiya terminatsiyasi uchun maxsus signallar ‒
terminatorlar ketma-ketliklari xizmat qiladi. Bu holda, terminatsiya minimal
ferment tomonidan amalga oshiriladi, lekin ba‘zan ―ro‖ (r) deb nomlangan
qo‗shimcha oqsil omili kerak bo‗ladi. Shunday qilib, umumiy transkripsiya
sxemasi 37-rasmda keltirilgan ko‗rinishga amalga oshadi.
Bakterial hujayrada nukleotidlar ketma-ketligi va RNK sintezi initsiatsiyasi
samaradorligi bilan ajralib turadigan juda ko‗p sonli promotorlar mavjud.
Ko‗pincha ular shartli ravishda kuchli va kuchsiz promotorlarga bo‗linadi. Kuchli
promotorlar o‗zlarining nazoratidagi operonlardan RNK sintezining yuqori
darajada bo‗lishini ta‘minlasa, kuchsiz promotorlar past darajada yuz berishini
ta‘minlaydi. Turli xil kuchli promotorlardan foydalanish hujayrada RNK
sintezining boshqaruv usullaridan biri hisoblanadi. Sintezlangan RNK ning
miqdoriy ko‗rsatkichi oqsil biosintezi darajasini jadalligini ko‗rsatadi. Hujayraning
butun hayoti davomida ko‗plab oqsillarning bo‗lishi talab qilinadi. Ularning soni,
asosan, tegishli m-RNK sintezini initsirlovchi promotorlarning samarasi bilan
bog‗langan bo‗ladi. Lekin hujayrada transkripsiya darajasidagi boshqariluvning
samaraliroq usullari mavjud.
Zarurat tug‗ilganda hujayra ulardan ba‘zi genlarning transkripsiyasini
tezlashtirish yoki sekinlashtirishni boshlash yoki uni to‗xtatishni boshqarilishi
uchun foydalanadi. Agar E.coli hujayralari tarkibida laktoza bo‗lgan muhitda
o‗sadigan bo‗lsa, unda β-galaktozidaza fermenti sintezlanadi, bu esa bu disaxaridni
glyukoza va galaktozagacha gidrolizlaydi, ular keyinchalik hujayra tomonidan
o‗zlashtiriladi. E.coli uchun uglerod manbayi sifatida glyukoza xizmat qilgan
sharoitda β-galaktozidaza sintezlanmaydi. Hujayralarning xuddi shu o‗sish
muhitiga gidrolizlanmaydigan laktozaning analogi ‒ izopropil-β-D-tiogalaktozid
qo‗shilganda, β-galaktozidaza sintezi (induksirlaydi) boshlanadi. Laktoza va
izopropil-β-D-tiogalaktozidlarga o‗xshash birikmalar oqsillar sintezini indusirlaydi
(xususan, β-galaktozidazalarni), boshqachasiga ular
induktorlar deb yuritiladi.