9-masala. Sichqonlarda jun rangining kulrang bo’lishi dominant A va B genlarining komplementar ta’siriga bog’liq. A geni mustaqil holda jun rangining qora bo’lishini ta’minlaydi. B geni esa A genining ishtirokisiz junning rangli bo’lishini ta’minlay olmaydi. SHuning uchun genotipida dominant B geni bo’lsa ham sichqonlar oq junli bo’ladi. Bu genlarning retsessiv allellari yig’indisi ham jun rangining oq bo’lishiga sabab bo’ladi. Qora rangli sichqonlar oq rangli sichqonlar bilan chatishtirilganda, F1 da olingan sichqonlarning hammasi kulrang bo’lgan. F1 sichqonlari o’zaro chatishtirilganda, F2 da olingan sichqonlarning 9/16 qismi kulrang, 3/16 qismi qora va 4/16 qismi oq rangli bo’lgan. Sichqonlarda o’rganilayotgan belgining irsiylanishini tushuntirib bering. CHatishtirish uchun olingan va chatishtirishdan keyin olingan sichqonlarning genotipini aniqlang. F1 da olingan kulrang sichqonlar retsessiv oq sichqonlar bilan chatishtirilsa, keyingi avloddagi sichqonlarning o’rganilayotgan belgi bo’yicha fenotipi qanday bo’ladi?
