8-masala. Ikkita qizil ko’zli, uzun qanotli pashshalar o’zaro chatishtirilganda keyingi avlodda quyidagi natijalar olingan: 154 ta qizil ko’zli, uzun qanotli urg’ochi pashshalar; 48 ta qizil ko’zli, kalta qanotli urg’ochi pashshalar; 98 ta qizil ko’zli, uzun qanotli erkak pashshalar; 95 ta oq ko’zli, uzun qanotli erkak pashshalar; 25 ta qizil ko’zli, kalta qanotli erkak pashshalar va 32 ta oq ko’zli, kalta qanotli erkak pashshalar. Barcha pashshalarning genotipini aniqlang.
9-masala. Mushuklarda jun rangining qora bo’lishi malla rangi ustidan to’liqsiz dominantlik qiladi. SHu belgini ta’min etuvchi gen allellari X xromosomada joylashgan. Jun rangini ta’min etuvchi genlar bo’yicha geterozigotali mushuklarning juni toshbaqasimon rangda bo’ladi. Lekin bu rangli mushuklar kam uchraydi. Buning sababini tushuntiring.
Toshbaqasimon rangli mushuklar qora erkak mushuklar bilan chatishtirilganda, keyingi avlodda olingan mushukchalarning genotipini aniqlang. Agar urg’ochi toshbaqasimon rangli mushuklar erkak malla mushuklar bilan chatishtirilsa, keyingi avlodda olingan mushukchalarning fenotipi qanday bo’ladi?
Dostları ilə paylaş: |
