7-masala. Och qizil ko’zli drozofila pashshasi jigarrang ko’zli pashsha bilan chatishtirilganda, F1 da ko’z rangi bo’yicha xilma-xillik kuzatilgan, ya’ni ularni ko’z rangi bo’yicha qizil ko’zli, och qizil ko’zli, jigarrang ko’zli va oq ko’zli pashshalarga ajratish mumkin bo’lgan. Ularning nisbati 1:1:1:1 ga yaqin bo’lgan. Barcha pashshalarning genotipini aniqlang.
8-masala. Qora quyonlar oq quyonlar bilan chatishtirilganda, birinchi avlodda olingan quyonlarning hammasi kulrang bo’lgan. F1 da olingan kulrang quyonlar o’zaro chatishtirilganda, F2 da olingan quyonlarning 9/16 qismi kulrang, 3/16 qismi qora va 4/16 qismi oq bo’lgan. CHatishtirish uchun olingan quyonlarning genotipini aniqlang hamda o’rganilayotgan belgining irsiylanishini tushuntirib bering. F1 da olingan kulrang quyonlar chatishtirish uchun olingan oq quyonlar bilan qayta chatishtirilsa, keyingi avlodda olingan quyonlarning fenotipi qanday bo’ladi?
