Birja va rieltorlik

O’ZBEKISTON RESPUBLIKASI
OLIY VA O’RTA MAXSUS TA’LIM VAZIRLIGI

Buxoro davlat universiteti

“Tasdiqlandi”

O’quv ishlari bo’yicha prorektor
______________ R.G’.Jumaуev
2021 yil “ ” avgust

BIRJA VA RIELTORLIK
FANINING
O’QUV DASTURI

Bilim sohasi: 200000 - Ijtimoiy soha, iqtisod va huquq


Ta’lim sohasi: 230000 - Iqtisod
Ta’lim yo’nalishi: 5230100 - Iqtisodiyot (tarmoqlar va sohalar
bo’yicha)

BUXORO – 2021

Fan dasturi Buxoro davlat universiteti o’quv uslubiy kengashining 2021 yil “ _____ ” ___________ dagi “_____” - sonli bayoni bilan tasdiqlangan.

Tuzuvchilar:
F.M.Raxmatullaeva - BuxDu “Iqtisodiyot” kafedrasi dostenti,
iqtisod fanlari nomzodi
D.M.Narziyeva - BuxDu “Iqtisodiyot” kafedrasi o’qituvchisi
Taqrizchilar:
M.Oripov - BuxDu “Iqtisodiyot” kafedrasi dostenti,
iqtisod fanlari nomzodi
G. Hasanova - Buxoro muhandislik-texnologiya instituti
dostenti ( turdosh OTM)
M.Narziyev - “Chashmai Zilol” xususiy firma rahbari

Fan dasturi BuxDU Iqtisodiyot kafedrasi yig’ilishida ko’rib chiqilgan va tavsiya qilingan (2021 yil “11” 08 dagi “1”- sonli bayonnomasi)

Kirish
Mustaqil taraqqiyotimizning o’tgan davrida amalga oshirilgan mamlakatimizni isloh etish va modernizastiya qilish yo’lida izchil harakatlarimizni kuchaytirishimiz, ularni yangi, yanada yuqori bosqichga ko’tarishimiz darkorligi barchamizga ravshan. Ayni shu vazifalarni amalga oshirish O’zbekistonning jahon bozoridagi raqobatbardoshligini oshirish, mavqeini mustahkamlashga yo’naltirilgan tarkibiy o’zgarishlar, yuksak texnologiyalarga asoslangan zamonoviy tarmoq va ishlab chiqarish sohalarini jadal rivojlantirish siyosatini davom ettirishni taqazo etadi.
Zamonaviy bozor tizimiga kiradigan birjalar jamiyatda mahsulot ishlab chiqarish aylanmasining tezlashuviga va kengaytirilgan ishlab chiqarish jarayonining uzluksizligiga xizmat qiladi. Birjalar tufayli tovarlarning muomalada bo’lish vaqtining qisqarishi asosiy fondlar va mehnat vositalaridan foydalanish samaradorligini oshiradi, bank kreditlari va aylanma vositalarga ehtiyojni kamaytiradi va shu tariqa boshqa tarmoqlarga yo’naltirilgan resurslar hajmini oshirishga imkon beradi. Shu sababli birja tizimi orqali mablag’lar aylanish tezligini oshirish hozirgi kunda dolzarb va asosiy iqtisodiy vazifalardan biri sanaladi.
“Birja va rieltorlik” fani hozirgi zamon bozor iqtisodiyoti sharoitida kengaytirilgan takror ishlab chiqarishning uzluksizligini, ijtimoiy mahsulot aylanma harakati tezlashuvi jarayonlariga xizmat qiluvchi birja, ko’chmas mulk hamda Rieltorlikfaoliyati bilan bog’liq masalalarini bo’lajak mutaxassislarga o’rgatish o’ta dolzarb masalalar qatoridan joy olgandir.