Bisektor tekisligi xususiyatlaridan foydalanib grafik masalalar yechish. To’g’ri burchakning proyeksiyasini o’ziga xos jihatlari

Parallel proyeksiyalash usulining xossalari:

• Nuqtaning parallel proyeksiyasi nuqta bo‘ladi.
• Proyeksiyalovchi nurda yotuvchi barcha nuqtalarning proyeksiyalari bitta nuqtada bo‘ladi.
• Proyeksiyalash yo‘nalishiga parallel bo‘lmagan to‘g‘ri chiziqning proyeksiyasi to‘g‘ri chiziq bo‘ladi.
• Proyeksiyalash yo‘nalishiga parallel bo‘lmagan tekislikning proyeksiyasi tekislik bo‘ladi.
• Agar biror tekis shakl proyeksiyalar tekisligiga parallel bo‘lsa, uning proyeksiyasi o‘ziga o‘xshash shakl bo‘ladi.
• To‘g‘ri chiziq kesmasiga tegishli nuqtaning parallel proyeksiyasi shu to‘g‘ri chiziq proyeksiyasi kesmaning ustida bo‘ladi
• Agar nuqta to‘g‘ri chiziq kesmasini biror nisbatda bo‘lsa, bu nuqtaning proyeksiyasi ham kesma proyeksiyasini shunday nisbatda bo‘ladi.
• To‘g‘ri chiziqlarning kesishuv nuqtasining proyeksiyasi ularning proyeksiyalarining kesishish nuqtasida bo‘ladi.
• Parallel to‘g‘ri chiziqlarning tekislikdagi proyeksiyalari ham parallel bo‘ladi.
• Parallel to‘g‘ri chiziq kesmalarining nisbati bu kesmalar proyeksiyalarining nisbatiga teng bo‘ladi.

Parallel proyeksiyalash ikki xil bo‘ladi

• Qiyshiq burchakli parallel proyeksiyalash. Bunda S proyeksiyalash yo‘nalishi P proyeksiyalar tekisligi bilan o‘tkir burchak tashkil qiladi.

• To‘g‘ri burchakli parallel proyeksiyalash. Bunda proyeksiyalash yo‘nalishi S proyeksiyalar tekisligi P ga perpendikulyar bo‘ladi.

GEOMETRIK MASALALARNING KLASSIFIKATSIYASI

Geometrik shakllarning bir-biriga nisbatan
joylashishiga qarab ularga oid bo’lgan geometrik masalalarni quyidagilarga bo’lish mumkin :

• Pozitsion. Berilgan geometrik shakllarning bir-biriga joylashishvaziyatiga qarab ularning natijasi bo’lgan geometrik shaklning holatini aniqlash pozitsion masala deyiladi.
• Metrik. Berilgan geometrik shaklga va ma’llum bir metrikaga asosan ikkinchi geometrik shaklning birinchisiga nisbatan holatini yoki ikki geomeetrik shaklning metrikasini aniqlash metrik masalalar fdeyiladi.
• Konstruktiv. Oldindan berilgan biror shartni qanoatlantiruvchi geometrik shaklni yasash konstruktiv masala deyiladi.