Bitiruv malakaviy ishi oldi amaliyotidan

I. Kirish
II. Korxonadagi texnologik jarayon haqida ma’lumot
III. Elektromexanik qurilma va uskunalar haqida ma’lumotlar
3.1. Burg’ilash uskunalarining yurish mexanizmlari
3.2. EKG ekskavatorlarining turlari.
3.3. EKG ekskavatorlarining hozirgi ishlash tizimi haqida
IV. Xulosa
V. Foydalanilgan adabiyotlar


I. Kirish
Qalmoqir koni 1920- yillarning o‘rtalarida ochilgan bo‘lib 1954 yildan qurilish ishlari boshlandi va o‘shandan beri ochiq usulda ishlab kelinmoqda. Kon Olmaliq kon-ruda rayoni oralig‘ida Olmaliq shahridan 3 km sharqiy tomonda joylashgan.
Asosiy ruda joylashadigan jinslari: siyenit-diorit, granodiorit-porfirlarning shtok bilan yorilgan diorit va sienitlardir. Rudali meneralizatsiya shtok ekzokontaktida to‘plangan va sienit-dioritli majmua jinslarida lokalizatsiyalanadi. Granidiorit-porfirlar tarkibida deyarli ruda bo‘lmaydi.
Rejada Qalmoqir konining rudali shtokverki ellipssimon shaklda bo‘lib, 1,5 km eni bilan shimoliy-g‘arb yo‘nalishida 3,7 kmga cho‘zilib ketgan. Ruda chuqurlashuvi 850 metrgacha kuzatilgan. Karerning o‘lchamlari: uzunligi - 4,2 km; eni - 1,7 km; nisbiy chuqurligi - 380-600 m.
Konda ikkita tabiat turidagi ruda oksidlangan va sulfidli rudalar ajratiladi, oksidlangan ruda deyarli to‘liq ishlab bo‘lingan. Birlamchi sulfidlangan rudalar 150 tadan ko‘proq mineral bilan ifodalangan bo‘lib, ulardan xalkopirit, pirit, xalkozin va molibdenitlar asosiylaridir. Oltin va kumush xalkopirit va qisman piritning kristall panjaralari bilan bog‘liq bo‘lib kichik qismi sof holdagi ko‘rinishga ega. Qolgan barcha yo‘ldosh komponentlar: oltingugurt, selen va tellurlar ham yuqorida qayd etilgan mineral bilan bog‘langan. Faqat molibden va ajratib olinadigan reniyning asosiy qismi molibdenit bilan bog‘liqdir. Qalmoqir konining sulfidlangan rudalarni engil boyituvchan bo‘lib ulardan mis ajratib olish 75-80% tashkil etadi.
Hozirgi vaqtda karerda tog‘ jinslarini tashishda kombinatsiyalangan tizim qo‘llanilmoqda. Pastki qatlamlardan - tog‘ jinslari avtotransport orqali yuqoriga olib chiqilib temir yo‘l transportiga qayta ortiladi, ustki qatlamda - temir yo‘l transporti bilan tashiladi. Ruda temir yo‘l dumkarlari orqali 8 km uzoqlikda bo‘lgan boyitish fabrikasiga etkazib beriladi. Qoplama jinslari temir yo‘l transportida ag‘darmaga olib chiqib tashlanadi. Karerda kon massasini ortib tashish uchun 24 ta ekskavator, 18 ta burg‘ulash stanoklari (SBSH-250, MN-A-32), otvallarga 9 ta ekskvatorlar jalb qilingan.
Konning rudalari boy tarkibli hisoblanadi. Mis va yo‘ldosh komponentlarning shtokverk oralig‘idagi taqsimlanishi notekis. Qalmoqir koni rudalarining sanoatdagi asosiy qiymatini oltin va mis tashkil etadi, rudaning tarkibidagi kumush, molibden, oltingugurt, selen, tellur, reniylar ham rudalar boyligini ko‘rsatadi. Qalmoqir konining geologik zahiralari 01.01.2013 yil holatiga ko‘ra mis bo‘yicha 5,55 mln. tonna, molibden bo‘yicha 98,4 mln. tonnani tashkil etadi.