Bitiruv malakaviy ishi

O‘qituvchining xatolari

O‘quvchilar bilimini baholashda eng jiddiy xatolardan yana biri turli guruhlariga sub’ektiv yondoshishdir. Bu o‘qituvchi tomonidan ayni bir javob uchun, ayni bir ish uchun turli o‘quvchilarni baholashdagi tofovutlarda aks etadi.Tofovutlar ba’zan ikki ballgacha tushadi. Yillar o‘tishi bilan o‘qituvchidan o‘quvchilar turli guruhlariga nisbatan muayyan tasavvur va unga muvofiq holda munosabat shakllanib boradi. Bu narsa o‘zlashtirgan va o‘zlashtirmagan o‘quvchilarga munosabatda yorqin namoyon bo‘ladi. O‘qituvchilar bir xil o‘quvchilarni (o‘zlashtirayotgan) doim maqtaydilar, boshqalarni (o‘zlashtirmayotgan) hamisha koyiydilar. Buning ustiga o‘zlashtirmayotganlarga, odatdaa, o‘zlashtirgan sinfdoshlariga nisbatan tez-tez va qattiq tanbeh beradilar. Yanglish munosabat yana shunda namoyon bo‘ladiki, o‘qituvchilar yaxshi o‘zlashtiruvchilarga nisbatan
yomon o‘zlashtiruvchi o‘quvchilarni javob berishga kam taklif etadilar. Javobni o‘ylash uchun ularga juda oz vaqt beradilar.
Mana bunday vaziyatga e’tibor qiling. Doska yonida past o‘zlashtiradigan o‘quvchi javob bermoqda. Ishonchsiz o‘rinsiz javob bermoqda. Bunday holatda o‘qituvchining munosabati qanday bo‘ladi? U o‘quvchi gapini shartta bo‘lib, unga “ikki” qo‘yadi va joyiga o‘tqizadi: “Sen yana dars tayyorlamabsan”, “Sen hech odam bo‘lmaysan”, “Senga o‘rgatsa ham, o‘rgatmasa ham befoyda ekan” deb uni izza qiladi.
Endi boshqa vaziyatni ko‘raylik. Doska oldida yaxshi o‘zlashtiradigan o‘quvchi bugungi darsga tayyorlanmay kelib, ishonchsiz holda javob beryapti. O‘qituvchi bunday vaziyatda o‘zini qanday tutadi? U o‘quvchiga yordam berib, kamchiligini to‘ldiradi yoki unga javobni o‘ylashi uchun imkon beradi. Ko‘rinib turibdiki bu ikki vaziyatda o‘qituvchi qarshisidagi yaxshi va yomon o‘zlashtiruvchi bola turganiga qarab, o‘zini turlicha tutyapti. Har xil bolaga bunday munosabat ilgaritdan vujudga kelgan tasavvurning namoyon bo‘lishi hisoblanadi. Keltirilgan misolda subyektiv munosabat namoyon bo‘ladi. O‘qituvchining bunday munosabati esa maktab bahosining ta’limiy, tarbiyaviy va rag’batlantiruvchi funksiyasini pasytiradi.
Amerikalik pedagog Blumning fikricha, hatto “o‘quvchilar nutqi sur’ati ham o‘qituvchi bahosiga ta’sir etar ekan” Bu narsani maxsus o‘tkazilgan qo‘yidagi tadqiqotdan ham bilish mumkin¹. Tabiatshunoslik fanidan o‘quvchi qiz bir xil materialni ikki marta gapirib bergan. Avval 16 daqiqada, keyin esa 24 daqiqa davomida. Javoblar vedio tasmasiga yozib olindi. So‘nggi 81 nafar o‘qituvchi esa sekin aytilgan va tez aytilgan materialni baholashdi. Tez aytib berilgan materialning o‘rtacha bahosi 3,38 ball bilan, sekin so‘zlab berilgan materialning o‘rtacha bahosi 2,5 ball bilan baholandi.
Tadqiqot mualliflarning xulosasi shuki, ko‘pgina o‘qituvchilar uchun nutqning tez sur’ati chuqur bilim va katta qobiliyatdan darak berar ekan.


¹ Mavlanova R., To‘rayeva O. Pedagogika. Toshkent. O‘qituvchi, 2002. 105-b.
O‘qituvchi o‘quvchining tez yoki sekin nutq sur’ati materialni bilishi bilmaslik belgisi emasligini fahmlaydi. Vazminlik, bir ish turidan ikkinchisiga sekin o‘tish sovuqqon mijozdagi o‘quvchiga savolni tushunib olishi va unga javob tayyorlashi uchun ko’proq vaqt talab etiladi. Bunday o‘quvchiga javob uchun qiziqqon mijozga nisbatan ko‘proq vaqt kerak bo‘ladi. O‘qituvchi esa, sovuqqon o‘quvchini vazminligini mutloqo boshqacha tushunadi. Turli mijozga (temperamentga) mansub bo‘lgan o‘quvchilarga nisbatan xato qilish umumiy baholash tizimining kamchiligi emas, balki, o‘qituvchining shaxsiy (subyektiv) xatosi, aniqrog’i, o‘quvchilarning tipologik xususiyatlarini bilmasligi natijasidir.
Maktab amaliyotida ko‘pincha o‘quvchilarni bir-biriga qiyoslashadi, birining yutug’ini ikkinchisiga o‘rnak qilishadi. O‘qituvchi yaxshi o‘qiy olmagan o‘quvchiga qarab: “Qaragin, Tohir qanday yaxshi o‘qiydi!”, - degan kinoyali so‘zlar bilan uni izza qiladi. Bu o‘quvchiga ruhiy jihatdan yomon ta’sir qiladi, oqibat u o‘qishdan bezadi.
Bolalarni br-biri va umuman taqqoslash maqsadga muvofiqmi? Bunday taqqoslash past o‘zlashtiruvchi o‘quvchilarning o‘qishga qiziqishini ko‘chaytirishga yordam beradimi? Xuddi shu sohada psixologik tajriba o‘tkazildi. O‘quv yili davomida sinfda har bir o‘quvchini o‘zi bilan qiyoslab, o‘qituvchi o‘zlashtirish darajasi haqida uning o‘zigagina aytdi. Boshqa sinfda esa bir o‘quvchining yutuqlari, imkoniyatlari bir xil, lekin shaxsiy sifatlari bilan boshqa natijalarga erishgan, boshqa o‘quvchining yutig’i esa muvaffaqiyatsizligi bilan qiyoslanadi. Uchinchi sinfda bolalar umuman taqqoslanmadi. O‘quv yili oxirida o‘quvchilari bir xil qobiliyatli, lekin o‘qishga turlicha munosabati tufayli o‘quv faoliyatida turli natijalarga erishgan bolalar sinfi eng yaxshi hisoblangan. Bu yerdagi taqqoslash bolaning o‘sishini pasaytirmagan, aksincha, yaxshi natijalarga erishishi mumkinligini ko‘rsatgan.
O‘quvchi o‘zini-o‘zi bilan qiyoslagan sinfda ijobiy natijalar qo‘lga kiritildi. O‘zlashtirayotgan va o‘zlashtirmaydigan o‘quvchilar taqqoslangan sinfda mutloqo boshqacha manzarani ko‘rish mumkin edi.
O‘tkazilgan tadqiqot qo‘yidagi xulosaga kelishga yordam beradi. Bolalar bilimini shunday taqqoslash kerakki, unda birovni yuqori ko‘tarib, boshqalarni yerga
urmay, bolalarning eng yaxshi natijalarga erishuvini va o‘z shaxsini takomillashtirishini qo‘llab-quvvatlasin.
Umuman olganda, bolalarni bir-biri bialn taqqoshlash, birini ikkinchisiga ibrat qilib ko‘rsatish – pedagogik tomondan ham, axloq-odob tomondan ham mutloqo to‘g’ri kelmaydi. Darhaqiqat, tarbiyaning insoniy ishi bolaning qanday bo‘lsa shundayligicha qabul qilishi va ularning o‘zini rivojlantirish va kamolga yetkazish uchun shart-sharoit yaratishni ko‘zda tutadi.
O‘qituvchi tomonidan o‘quvchilar bilimini baholashda yo‘l qo‘yilgan xatolar faqat baho komponentlarining o‘zgarishiga emas, balki butun o‘quv bilish faoliyatining o‘zgarishiga olib keladi, ular bu tizimga xos bo‘lgan kamchiliklarni ko‘chaytirib, uni kamsuqum va yoqimsiz qilib qo‘yadi.
O‘quvchi o‘zini baholaydi. O‘quvchilar bilimini tekshirish va baholash masalasi to‘g’risidagi munozaralar, ularning takomillashtirishning yangi shakllarini izlash, aksariyat hollarda noto‘g’ri ishda olib borilyapti. Albatta 10 ballik tizimini joriy etish yoki bahodan umuman voz kechish, tekshirishning to‘g’ri shakllaridan, chunonchi, sinov, imtihon, testlarni qo‘llash mumkin.
Lekin o‘quvchi va uning bilish qobiliyati o‘qituvchi bahosini obyekti bo’lib qolaveradi.
Maktab bahosining takomillashtirishning eng samarali yo‘li o‘quvchi bilimini baholash komponentining faol subyektiga aylantirishda. Zero pedagogning bahosi o‘quvchining o‘zini-o‘zi baholashga o‘rgatish lozim, yana yaxshisi, bahslashning bu ikki ko‘rinishini uyg’unlashtirish muhimdir.
O‘z-o‘zining baholashni ta’minlovchi yo‘llar qaysi? O‘quvchilarning o‘z- o‘zini baholash ko‘nikmasini paydo qilish uchun birinchi navbatda ularni o‘z bilish faoliyatini baholashga jalb etish lozim.