Biznes va tadbirkorlikni qo’llab-quvvatlashning davlat va nodavlat shakllari

Gollandiya. Bu mamlakatda kichik va o’rta tadbirkorlikni qo’llab-quvvatlash uchun ko’pgina tashkilotlar mavjud:
- Kichik va o’rta tadbirkorlik uchun golland kengashi;
- Kichik va o’rta tadbirkorlik masalalari bo’yicha tadqiqotlar va konsalting;
- Kichik va o’rta tadbirkorlik uchun siyosatning qirollik federasiyasi;
- ijtimoiy biznes tashkilotlari tarmoq xususiyatlari bo’yicha ish beruvchilar va xodimlarning hamkorligini ta’minlaydilar;
- savdo palatasi konsalting xizmatlari ko’rsatadi;
- Kichik va o’rta tadbirkorlik instituti ishchi-xizmatchilarni o’qitish, maslahat berish bilan shug’ullanadi;
- o’qish vaqtida shaxsiy korxonalarini ochgan talabalarga yordam ko’rsatish uchun “Mini-korxonalar fondi” tashkil qilingan;
- ikkita Oliy o’quv yurti Kichik va o’rta tadbirkorlik uchun mutaxassislarni tayyorlaydi;
- kechqurunlari qatnash mumkin bo’lgan ko’pgina turli xil kurslar ishlaydi. Bularda ishni endi boshlovchilar shaxsiy ishni ochish, biznes-rejalar tuzish, maslahatlar va axborotlar olish maqsadida o’qishlari mumkin.
Fransiya. Tadbirkorlikni qo’llab-quvvatlashning asosiy maqsadi – bandlikning ko’payishi va raqobatbardoshlikning o’sishi­dir. Buning uchun quyidagilar qilinadi: to’g’ridan-to’g’ri yordam, axborotlarga kirish, ma’muriy to’siqlarni kamaytirish, soliqlarni kamaytirish va boshqalar. Fransiyada kichik va o’rta tadbirkorlikni qo’llab-quvvatlash bo’yicha har xil tashkilotlar tashkil qilingan:
- Kichik va o’rta tadbirkorlik konfederasiyasi;
- savdo palatasi;
- hunarmandlik ishlari bo’yicha palata;
- qishloq xo’jaligi palatasi;
- investision xavf-xatarni sug’urtalashning fransuz jamiyati;
- biznesni tashkil qilish markazi va boshqalar.
YUqorida ko’rsatib o’tilgan mamlakatlarda qo’llaniladigan kichik biznesni qo’llab-quvvatlash mexanizmlari faqat umumiy ko’rinishda bayon qilingan. Kichik biznes va xususiy tadbir­kor­likka xorijiy mamlakatlarda ko’rsatiladigan yordamning ayrim yo’nalishlarini aniqroq o’rganish va O’zbekiston iqtisodiyoti sharoitlarida ulardan foydalanish imkoniyatlarini belgilash kichik biznesni rivojlantirish uchun shubhasiz foyda keltirgan bo’lar edi.