Bölmə I göstərilənlərdən hansı poliklinika tibb bacısının vəzifəsi

136. Sifon imaləsini aparmaq üçün hansı məhlulu hazırlamaq lazımdır?

A) 100 ml natrium-xlorid məhlulu

B) 1-2 litr təmiz su

C) 10 litr təmiz su

D) 100 ml natrium-hidrokarbonat məhlulu

E) 100 ml 25%-li maqnezium-sulfat məhlulu

Adi təmizləyici imalələr kömək etmədikdə zəhərlənmələrdə bağırsaqları yumaq üçün ən yaxşı üsül sifon imaləsidir. Sifon imaləsi üçün 10-12 litr 38⁰ C-yə qədər isidilmiş qaynanmış su götürülür. Bu miqdarda maye bağırsaqların zəhərli maddələrdən təmizlənməsini təmin edir.

Ədəbiyyat: N.R. Paleyevin redaktəsi ilə “Tibb bacısının məlumat kitabı”. Səh.49-50  “Azərnəşr” Bakı 1984

137. Yoğun bağırsaqda iltihabi proses olduqda yerli müalicə kimi hansı imalədən istifadə olunur?

A) Hipertonik imalədən

B) Yağ imaləsindən

C) Sifon imaləsindən

D) Təmizləyici imalədən

E) Dərman imaləsindən

Yoğun bağırsaqda iltihabi proses olduqda yerli iltihabəleyhinə və dezinfeksiya edici vasitə kimi dərman imalələri istifadə olunmalıdır.Digər növ imalələr adətən yoğun bağırsağın təmizlənməsi üçün istifadə olunur.

Ədəbiyyat: N.R.Paleyevi redaktəsi ilə “ Tibb bacısının məlumat kitabı ”. Səh. 43“ Çıraq ” 2008.