Bu kitab kimin üçün nəzərdə tutulub

Sizə uyğun olan şirkətin seçilməsi
Sizin üçün işədüzəltmə şirkətinin seçimi, verilən vakansiyaya cavab verməklə müəyyən edilir. Əgər siz ciddi olaraq iş axtarışı ilə məşğul olursunuzsa və elan edilən müxtəlif vakansiyalara eyni anda cavab verirsinizsə o zaman böyük ehtimalla siz bir neçə agentliyin bazasına daxil olacaqsınız.

Lakin siz şirkətlə bilavasitə danışmaq istəyirsinizsə, əvvəlcədən doğru insanları seçdiyinizi yoxlamalısınız. İlk olaraq sizin fəaliyyət göstərdiyiniz sahədə ixtisaslaşmış və əmək bazarında uğurlu layihələr həyata keçirmiş şirkəti tapmaq vacibdir.

Seçim etməyin ən yaxşı üsulu bu təşkilat vasitəsi ilə öz iş yerlərini dəyşmiş tanışlardan tövsiyyələrin alınmasıdır. Bu cür tövsiyyələrin verilməsi mümkün olmadıqda, bu sahə üzrə ixtisaslaşmış peşəkar mətbuata göz gəzdirmək vacibdir. Bundan başqa bu şirkətlər haqqında məlumatları özündə cəmləşdirən müxtəlif kataloqlar da mövcuddur.

Uyğun olan şirkəti müəyyən etdikdən sonra orada işləyən məsləhətçilərə iş axtarışı ilə əlaqədar müəyyən sualların verilməsi lazım gələcəkdir. Məsələn:

• 
  Şirkət sizin fəaliyyət göstərdiyiniz sahədə ixtisaslaşıbmı?
  
• 
  Burada əsasən hansı səviyyədə vəzifə vakansiyaları mövcuddur?
  
• 
  Onların əməkdaşlıq etdiyi şirkətlərdə əmək haqqının orta səviyyəsi nə qədərdir?
  
• 
  Son zamanlar şirkət hansı təşkilatlarla işləmişdir?
  
• 
  Onların hansı ilə eksklüziv şərtlərlə işləmişdir?
  
• 
  Şirkət ayda nə qədər insanı işlə təmin edir?
  
• 
  Namizədlərin neçə faizi üç aylıq sınaq müddətini keçə bilir?
  

Şirkət özü haqqında məlumat verərkən və X, Y və Z şirkətləri ilə işlədiyini qeyd edirsə hər şeyə sağlam şübhə düşüncəsi ilə yanaşmağa çalışın. Bir çox iri şirkətlər orta səviyyəli vəzifələri doldurmaq üçün eyni anda bir neçə şirkətlərin xidmətindən istifadə edir. Müraciət etdiyiniz şirkətdən hər hansı bir şirkətlə kadr seçimi üzrə müstəsna hüququn verilməsinə dair müqavilənin olub-olmadığını soruşmaq yerinə düşərdi.

Hətta siz şirkətdən işə düzəltdiyi insanlarla görüşmək arzusunda olduğunuzu da söyləyə bilərsiniz. Lakin şirkətin əməkdaşları sizin bu arzunuza ehtiyatla yanaşa bilər. Bununla belə onlar iş tapdıqları insanların onlar haqqında verdikləri müsbət rəyləri sizə təqdim edə bilərlər.