Məsləhətçi şirkəti özünüzə tərəf necə cəzb etməli?
Tez-tez kadr agentliklərinin xidmətindən istifadə edən insanların göstərilən xidmətin keyfiyyətindən şikayət etdiklərini eşitmək olur:
“Məsləhətçi mənə zəng etməkdə çox yubanırdı.”
“Artıq bir həftədir ki, onlar heç nə təklif edə bilmirlər.”
“Mənim öz tələblərimi müzakirə etmək üçün müsahibəyə dəvət olmaq cəhdlərim boşa çıxdı.”
Bir tərəfdən bu şikayətlər haqlı da olsa, digər tərəfdən isə onlar agentliklərin rolu və təklif etdikləri xidmər haqqında yanlış təsəvvürə malik olurlar.
Kadr agentliyi ilə əlaqə qurarkən böyük ehtimalla müsbət münasibət görəcəksiniz. Bununla belə özünüzü stressdən qorumalı və ən vacib məsələləri yadda saxlamalısınız:
-
Kadr agentlikləri insanlar üçün iş deyil, təşkilatlar üçün insan axtarır;
-
Müştəri-təşkilat pul ödəyən tərəf olduğu üçün namizəd qarşısında üstün vəziyyətdədir;
-
Sizə edilən kömək və məsləhət pulsuzdur;
-
Vaxt-puldur. Buna görə də məsləhətçinin vaxtını boş yerə almayın.
Əgər siz bunu nəzərə alırsınızsa və bacarıqlarınız tələb olunandırsa, əmin olun ki, agentlik üçün siz çox qiymətlisiniz və buna görə də sizə nəzakətlə və peşəkarlıqla yanaşılacaqdır.
Dostları ilə paylaş: | 
