Fəsil 17. Vidalaşma
Beləliklə, yazılı surətdə işə qəbul məktubunu aldınız və qərar verdiniz ki, təklif edilən işi qəbul edəcəksinia. Bu çox həyəcanlı andır. Lakin, yeni işə başlamaq üçün köhnə işdən çıxmaq ərizəsini verib bütün işlərinizi qaydaya salmaq lazımdır.
Vəzifədən peşəkarcasına ayrılmaq qabiliyyəti
Ola bilər ki, köhnə işinizdə həddən artıq işləmisiniz, az əmək haqqı ödənilib və yaxud da köhnə işinizdə boş-boş oturmaqla məşğul olurdunuz. Bütün bu cəhənnəm əzablarını arxada qoymanız sizi xoşbəxt edə bilər, hətta müdirinizdən qisas almaq fikri də yarana bilər. Daimi şəkildə ofisin dəhlizi ilə müdürün otağına daxil olub “Mən gedirəm!” ifadəsi ilə nəticələnən dramatik səhnəni təsəvvürünüzə gətirirsiniz. Siz bu zaman belə bir səhnə ilə qarşılaşa bilrəsiniz: müdürünüzün ağzı açılır, onun üzü qorxu və təssüf ifadəsi ilə dolur..... Stop!
Belə bir səhnənin olması heç də karyeranın düzgün idarə edilməsi deyil, bu sadəcə aşağı sürətli filmin fraqmentidir.
İşdən bacardığınız qədər peşəkarcasına getməlisiniz. İlk növbədə bu sizin işgüzar fəaliyyətiniz üçün çox önəmlidir. İkincisi, sizin işdən çıxma tarixinizin müəyyən edilməsində və təsdiqində rolu ola bilən, gələcəkdə sizə problem yarada bilən insanlarla niyə özünüzə artıq problem yaradasınız.
Dostları ilə paylaş: |
