Endi suvning yuqoriroq P2 bosimda (P2 > P1 ) bug’ga aylanish protsessini ko’rib chiqamiz. Ma’lumki, bosim ortishi bilan qaynash temperaturasi ham ko’tariladi. Suv siqilmaydigan modda bo’lganligi sababli, uning dastlabki hajmi o’zgarmasdan J 0 ga teng bo’lib qoladi (nuqta d2 ).
SUV BUG’INING TS VA IS –DIAGRAMMASI
TS - diagrammada protsess egri chizig’ining ostidagi yuza bilan, jismga berilgan yoki undan olingan issiqlik miqdori aniqlanadi.
2.-rasmda suv bug’ining Ts - diagrammasi tasvirlangan.Bug’lanish protsessining PV - diagrammasidagi har bir nuqtasini TS - diagrammasiga ko’chiramiz.
TS- diagramma termodinamik protsesslar va sikllarni tekshirishda, ya’ni protsessdagi issiqlik miqdori va qaytar sikllarda ish miqdorini topishda keng qo’llaniladi. Bundan tashqari Ts- diagrammada temperatura o’zgarishini aniq ko’rish mumkin. Diagrammaning noqulayligi shundan iboratki, issiqlik miqdorini aniqlash uchun har gal tegishli yuzalarni hisoblab chiqib topishga to’g’ri keladi.
Gazning oqib chiqishida yo’nalgan oqimcha hosil qilish uchun o’zgaruvchan kesimli kanallari bor maxsus nasadkalar ishlatiladi. Gazning ichki energiyasini harakatning kinetik energiyasiga aylantiradigan nasadkalar soplolar deyiladi.
Gaz soplo bo’ylab harakatlanganda uning bosimi pasayadi, tezligi esa ortadi. Ba’zan oqib chiqish protsesslarida tezlik pasayishi hisobiga bosim ko’tariladi. Bunday hollar uchun diffuzorlar deyiladigan nasadkalardan foydalaniladi.
Soploning istalgan kesimida gazning barcha parametrlari vaqt o’tishi bilan o’zgarmaydigan oqib chiqish protsessi barqaror oqib chiqish protsessi deyiladi.
Oxirgi tezlik bilan harakat qilayotgan gaz holati o’zgarishi protsessida issiqlik na faqat ichki energiya o’zgarishi va tashqi ish bajarishga, balki gazning kanal bo’ylab siljiganida tashqi kinetik energiyasining ortishiga ham sarf bo’ladi.
Gaz uchun termodinamika birinchi qonunining differentsial ko’rinishi quyidagicha ifodalanadi:
Gazning soplodan oqib chiqish protsessini ko’rib chiqamiz.
