Buxgalteriya hisobi schotlari rejasi

2.BUXGALTERIYA HISOBI SCHOTLARI REJASINING TURLARI

Respublikamizda uchta turdagi schotlar rejasi amal qiladi.

№	Schotlar rejasining nomi
1	Xo‘jalik yurituvchi sub’ektlar moliyaviy xo‘jalik faoliyati buxgalteriya hisobi schotlar rejasi (21-son BHMS)
2	Banklar va kredit uyushmalari moliyaviy xo‘jalik faoliyati buxgalteriya hisobi schotlar rejasi
3	Budjet tashkilotlari moliyaviy xo‘jalik faoliyati buxgalteriya hisobi schotlar rejasi

Ushbu schotlar rejasi bir tomondan bir-biriga o‘xshash jihatlarga ega. Bunday o‘xshash jihatlar bo‘lib quyidagilar hisoblanadi:

1. 
   Maqsadi bo‘yicha barcha schotlar rejasi hisob ma’lumotlarini yagona pul birligida ifoda etuvchi schotlarni oladi.
   
2. 
   Barcha schotlar rejasi korxona va tashkilotlarda hisob ob’ektlarini aks ettirishga mo‘ljallangan schotlarni o‘z ichiga oladi.
   
3. 
   Barcha schotlar rejalarida schotlar aktiv va passiv, kontr-aktiv va kontr-passiv, doimiy va vaqtinchalik, balans va balansdan tashqari schotlarga bo‘linadi.
   
4. 
   Hisob ob’ektlari mazmun va mohiyati bir xil bo‘lganligi uchun ko‘pchilik schotlarning nomlari bir-biriga o‘xshash bo‘ladi.
   

Shuing bilan birga yuqoridagi uchta schotlar rejasi bir-biridan foydalanuvchi sub’ektlari, bu sub’ektlarning maqsadlari, tartib raqamlari, razryadlari, nomlari va boshqa jihatlari bilan farq qiladi.

Farq qiladigan belgilari	21-son BHMS	Budjet tashkilotlari schotlar rejasi	Bank va kredit uyushmalari schotlar rejasi
1.Qo‘llaniladigan sub’ektlar	Barcha xo‘jalik yurituvchi sub’ektlar (zavod va fabrikalar, fermer xo‘jaliklari, savdo, transport, qurilish, xizmat ko‘rsatish korxonalari va boshqalar)	Budjet tashkilotlari (maktablar, kollejlar, institutlar, universitetlar, shifoxonalar, harbiy qismlar va boshqalar)	Banklar, Kredit uyushmalari
2.Schotlarning razryadlari	4 xonali sonlardan iborat	3 xonali sonlardan iborat	5 xonali sonlardan iborat
3.Tartib raqamlari	O‘ziga xos	O‘ziga xos	O‘ziga xos
4.Nomlari	O‘ziga xos	O‘ziga xos	O‘ziga xos
5.Tarkibiy qismi	O‘ziga xos	O‘ziga xos	O‘ziga xos