Buxgalteriya hisobining milliy standarti (21-son bhms)

T/r	Xo‘jalik muomalalarining mazmuni
Schyotlarning bog‘lanishi
Debet	Kredit
1	Tovar-moddiy qiymatliklarni tayyorlash va etkazib berish jarayonida yordamchi ishlab chiqarish tomonidan ko‘rsatilgan xizmatlarning hisobdan chiqarilishi	1510	2310
2	Mol etkazib beruvchilardan materiallar olindi	1510	6010
3	Mol etkazib beruvchilarga materiallarning kamomad summasi bo‘yicha da’vo bildirildi	4860	1510
4	Undirilmagan da’vo summalarining materiallar tannarxiga kiritilishi	1510	4860
5	Tovar-moddiy qiymatliklarni xarid qilishda hisobdor shaxslar tomonidan to‘langan summalar	1510	6970
6	Materiallarni xarid qilishdagi turli tashkilotlarning xizmatlari summasi	1510	6990
7	Ajratilgan bo‘linmalar, sho‘‘ba va qaram xo‘jalik jamiyatlaridan kelib tushgan materiallar	1510	6110, 6120
8	O‘rnatiladigan asbob-uskunalar kirim qilindi	0710	1510
9	Omborga kelib tushgan moddiy qiymatliklarning kirim qilinishi	1010-1090, 2910-2990	1510
10	O‘stirishga va boquvga kelib tushgan hayvonlarning kirim qilinishi	1110, 1120	1510
11	Farq summasining hisobdan chiqarilishi: a) kelib tushgan moddiy qiymatliklarning haqiqiy tannarxi hisob bahosidan past bo‘lganda; b) kelib tushgan moddiy qiymatliklarning haqiqiy tannarxi hisob baholaridan yuqori bo‘lganda.	1510 1610	1610 1510

4-§. Materiallar qiymatidagi
farqlarni hisobga oluvchi schyotlar (1600)

115. Moddiy qiymatliklarning haqiqiy tannarxi va hisob bahosi orasidagi farq to‘g‘risidagi axborotlarni umumlashtirish 1610 "Materiallar qiymatidagi farqlar" schyotida amalga oshiriladi.

Moddiy qiymatliklarning haqiqiy tannarxi va hisob baholari orasidagi farq summasi 1610 "Materiallar qiymatidagi farqlar" schyotining debeti yoki kreditiga 1510 "Materiallarni tayyorlash va xarid qilish" schyotidan hisobdan chiqariladi.
1610 "Materiallar qiymatidagi farqlar" schyotida yig‘ilgan moddiy qiymatliklarning haqiqiy tannarxi va hisob baholari orasidagi farq summalari ishlab chiqarish xarajatlari, davr xarajatlari va boshqa tegishli xarajatlarni hisobga oluvchi schyotlarning debetiga sarflangan materiallarning hisob bahosiga mutanosib ravishda hisobdan chiqariladi.
1610 "Materiallar qiymatidagi farqlar" schyoti bo‘yicha analitik hisob moddiy qiymatliklarning guruhlari bo‘yicha yuritiladi.

116. Materiallar qiymatidagi farqlarni hisobga oluvchi schyotlar (1600)ning bog‘lanishi: