Buxoro davlat universitetining pedagogika instituti

mazmunga 
intilish haqidagi ta’limot, hayot mazmuni haqidagi ta’limot va erkinlik irodasi 
haqidagi ta’limot.
Mazmunga intilishni va odam o‘z hayotining mazmunini 
anglashini V.Frankl barcha insonlarda mavjud bo‘lgan va shaxs rivoji va fe’l-
atvorini harakatga keltiruvchi asosiy kuch bo‘lgan tug‘ma motivatsion g‘oya 
sifatida ko‘rib chiqadi. V.Franklning fikricha, hayotiy kuzatuvlar, klinik 
amaliyotlar va empirik ma’lumotlar shuni o‘z ichiga oladiki, odam yashashi va 
faol harakat qilishi uchun o‘zining qilmishlari ega bo‘lgan mazmunga ishonishi 
kerak. 
 
Biroq sevgi ham hayotni anglashning zarur sharti yoki eng yaxshi variant 
hisoblanmaydi. Hech qachon sevmagan va sevilmagan individ ham o‘z hayotini 
ancha ma’no-mazmunli etib tashkil qilishi mumkin.
3) Inson o‘zgartirishga qodir bo‘lmagan sharoitlar iskanjasida qolganda 
munosabatlar qadriyatiga murojaat qiladi. Ammo har qanday shart-sharoitda 
insonda ularga nisbatan ongli pozitsiyaga ega bo‘lish va o‘z uqubatlariga chuqur 
hayotiy ma’no berish erki mavjud.
O‘z asarlarida Frankl butun hayotning ma’nosi emas, balki muayyan 
insonning muayyan momentdagi hayotining ma’nosi masalasi muhim ekanligini 
ta’kidlaydi. Insonning qanday qilib o‘z mohiyatini anglashini logoterapiya 
amaliyotida hal qiluvchi masaladir. Ma’nolar bizga berilmagan, biz o‘zimizga 
ma’nolarni tanlab ololmaymiz, biz faqatgina ma’noni anglab yetishga zamin 
yaratuvchi chorlovni tanlashimiz mumkin. Biroq, ma’noni topish bu yarim ish; 
uni amalga ohirish ham kerak. Inson o‘z hayotining unikal ma’nosini amalga 
oshirishga mas’ul. Shunday qilib, Frankl ta’limotining bosh tezisi: inson hayoti 
hech qanday shart-sharoitda ma’nosini yo‘qotmaydi; hayot mohiyati har doim 
topilishi mumkin.
Frankl uchinchi ta’limoti - iroda erkinligi haqidagi ta’limotning asosiy 
tezisiga ko‘ra inson hattoki erki obektiv sharoitlar bilan chegaralangan holatda 
ham o‘z hayot m’anosini topishi va amalga oshirishga erkindir. Frankl insonning 
o‘z qiziqishlari, irsiyati va tashqi muhit sharoitlariga nisbatan erki haqida so‘z 
yuritadi.
Qiziqishlarga nisbatan erkinlik ularga “yo‘q” deyish, ularni qabul qilish yoki 
rad etish imkoniyatida namoyon bo‘ladi. Iroda erkinligi ta’limotining muhim 
masalasi bu inson nimaga erkinlikka egaligidir. Bu o‘z taqdiri uchun ma’suliyatni 
o‘z bo‘yniga olish, vijdoniga quloq tutish va taqdiri bo‘yicha qaror qabul qilish 
erkinligidir.
Ko‘pgina mualliflar asarlarida Viktor Frankl ma’no va be’manolik 
masalasiga eng katta hissa qo‘shganligi ta’kidlanadi. U klinik amaliyotda 
uchraydigan nevrozlarning 20% noogen xususiyatga ega ekanligi, ya’ni hayot 

---

39 
ma’nosining yo‘qligi orqali vujudga kelganligiga alohida urg’u beradi. Shu bois 
ham aynan ekzistensial terapiya nazariya va amaliyoti boshqa tadqiqotchilar 
izlanishlarida o‘z rivojini topgan
2
. 
L.Binsvanger va M.Boss: shaxsning ekzistensial nazariyasi. Psixologiya va 
psixoterapiyada ekzistensial yo‘nalishning yorqin vakillari shvetsariyalik 
psixiatrlar Lyudvig Binsvanger va Medard Boss. Ular o‘z konsepsiyasini nemis 
faylasufi Martin Xaydeggerning ekzistensial nazariyasi asosida ishlab chiqishgan. 
Binsvanger va Boss talqinidagi ekzistensial psixologiya bir qator o‘ziga 
xosliklar bilan ajralib turadi. Avvalo, ular psixologiyaga tabiiy fanlardan 
sababiylik tamoyilining olib kirilishiga qarshi chiqdilar. Ular fikricha, inson 
hayotida hech qanday sabab-oqibatga asoslangan munosabatlar yo‘q. Asosan, 
xulq-atvorning ketma-ketligi mavjud bo‘lib, bu ketma-ketlik orqali sababiylikni 
keltirib chiqarib bo‘lmaydi
3
.
Shunday qilib, Binsvanger va Boss talqinidagi ekzistensial psixologiya 
kazuallikni rad etgan holda, positivizm, determinizm va materializmni ham inkor 
qiladi. Ushbu olimlar ta’kidlashicha psixologiya boshqa fanlarga o‘xshamaydi va 
ular kabi model asosida qurilishi kerak emas. U o‘z metodini (fenomenologiya) 
va tushunchalarini (hayotdagi mavjudlik, mavjuslik moduslari, erkinlik, 
ma’suliyat, aylanish, transendensiya, makoniylik, temporallik va b.q. ) talab 
qiladi. Binsvanger va Boss ekzistensial nazariyasining markaziy tushunchalaridan 
biri motivatsiyadir. Motivatsiya doim sabab va oqibat munosabatlarini to‘g’ri 
yoki noto‘g’ri tushunishni talab qiladi. Bir xil voqea turi sabablar oqibatida 
yuzaga kelishi mumkin, shu jumladan tabiiy omillar tufayli, lekin faqat insongina 
mazkur harakatni amalga oshirish, biror bir maqsadga erishish uchun 
motivatsityaga ega bo‘ladi. Turli individlar turli maqsadlarga erishih uchun bir xil 
harakatlarni amalga oshirishlari mumkin. Shu bilan birga inson tomonidan u yoki 
bu maqsadga erishish bir necha bosqichlardan iborat bo‘lishi mumkin va bu 
bosqichning har biri o‘z oqibatiga ega bo‘ladi. Umuman olganda, mazkur holatda 
inson motivastiyasini tushunish inson xulq-atvori, hatti-harakatini anglashning 
bosh mezoni bo‘ladi. Binsvanger va Boss konsepsiyasi subekt (ruh) va obekt 
(tana, muhit, materiya) o‘rtasidagi dualizmga salbiy qaraydi. Ushbu fikrni 
birinchi bo‘lib Dekart ilgari surgan va keyinchalik inson kechinmalari va 
harakatlarini muhit stimullari hamda tana holati nuqtai nazardan ko‘rib chiqishda 
keng qo‘llanila boshlandi. Ekzistensial nazariya individning dunyoda birligini 
ta’kidlaydi va bu birlikni buzuvchi har qanday qarashni falsifikatsiya va inson 
2
Boeree C. G. Viktor Frankl/ Personality Theories. PsychologyDepartment Shippensburg University. 
1997. – Р.8
3
Boeree C. G. 
Medard Boss
/ Personality Theories. PsychologyDepartment Shippensburg University. 
1997. – Р.3

---

40 
voqeligini yagona oqimini bo‘lib tashlashga bo‘lgan urinish deya baholaydi.
Boss so‘zlariga ko‘ra, ekzistensial psixologiya maqsadi - insonning bog’liqlik 
strukturasini yuzaga chiqarishdir. U yozadi: “Bog’liqlik faqatgina buzilmagan 
butunlikda mavjud; bog’liqlik butunlikdan kelib chiqadi”.
Ekzistensial psixologiyaning uhbu yo‘nalishi shuningdek fenomenlar ortida 
ularni tushuntirib berishi yoki aniqlab berishi mumkin bo‘lgan nimadir bor degan 
farazni ham inkor etadi. U inson xulq-atvorini an’anaviy bo‘lgan “Men-
konsepsiya”, ongsiz, psixik va jismoniy energiya, instinktlar, miya elektrik 
jarayonlari, arxetiplar va b.q. orqali talqin qilishni tan olmaydi. Binsvanger va 
Boss fenomen mohiyatini tushuntirib berishmaydi, ular faqat fenomen borlugini 
tan olishadi va psixologiyaning bosh vazifasini ularni chuqur yoritish, 
tushuntirish yoki isbotlash emas deb aytib o‘tadi. Bu tadqiqotchilar har qanday 
psixologik nazariyalarga salbiy munosabatda bo‘lganlar, zero, nazariya ostida 
doim u yoki bu faraz yotadi, mazkur olimlar uchun esa inson tomondan his 
qilingan, uning boshidan o‘tgan va anglab yetilgan hodisalar haqiqiydir, ilmiy 
farazlar emas. Bu yonalish tarafdorlari fikricha o‘rganish bu hech qanday 
gipoteza va steriotiplarsiz ko‘ra olishdir.
Binsvanger va Boss individga huddu buyumdek qarashga qarshi chiqdilar. 
Ular fikricha, insonga bunday munosabat nafaqat psixologiyaga insonlarni 
hayotdagi mavjudligi pozitsiyasidan anglash imkonini bermaydi, balkim alal 
qoibat shaxs degumanizatiyasi ko‘rinishida namoyon bo‘ladi. Ular insonlarning 
texnisizm, byurokratiya, mexanizatsiya natijasida chetga chiqib qolishi, uzlatga 
chekinishi va buzilishi haqida so‘z yuritgan. Olimlar nuqtai nazariga ko‘ra, 
insonlar bilan buyum kabi munosabatda bo‘lganda, ular ham o‘zlarini ega bo‘lish, 
nazorat qilish, forma berish, ishlatish mumkin bo‘lgan buyum deb hisoblay 
boshlashadi. Natijada bunday insonlar haqiqiy inson hayotini yashab o‘tishga 
qodir bo‘lmay qoladilar. Inson o‘z hatti-harakati uchun erkin va ma’suldir. Boss 
aytadiki, erk bu insonlar ega bo‘lgan nimadir emas, bu shundoq ham mavjud 
hodisa. Binsvanger va Boss ekzistensial falsafaisda juda katta o‘rin inson o‘limi 
mavzusiga ajratilgan. Mazkur mutaxassislar asarlarida o‘lim oldidan qo‘rquv 
hayot masalasidan kam o‘rganilmagan. Binsvanger va Boss konsepsiyasining 
fundamental tushunchasi “dunyoda mavjudlik” (Dasein) dir.
4
Inson mavjudigi dunyosining 3 darajasi bor: 1) bilogik yoki jismoniy atrof-
muhit (landshaft); 2) insoniyat muhiti; 3) insonning o‘zi, uning tanasi. Inson 
mavjudligining mohiyati masalasiga to‘xtalar ekan, Binsvanger va Boss
insonlarning o‘zi dunyo mohiyati ekanligini, ular o‘z dunyosiga ega ekanligini, 
ammo doimo bu dunyo chegarasidan chiqishga harakat qilishini aytib o‘tadi.
4
Boeree C. G. 
Medard Boss
/ Personality Theories. PsychologyDepartment Shippensburg University. 
1997. – Р.3

---

41 
Mazkur holatda, dunyo chegarasida ortidagi mavjudlik haqida so‘z borar ekan,
olimlar o‘zga – narigi olamda yashashni nazarda tutmaganlar, balki mavjud 
bo‘lgan muhitidan yangi dunyoga, muhitga o‘tish haqida fikr yuritganlar.