3.3. Muassasa va Universitet oʼrtasidagi munosabatlar shartnomaviy-toʼlov asosida ham amalga oshirilishi mumkin.
IV.TOMONLАRNING JАVOBGАRLIGI Mazkur shartnoma Tomonlarning hech biriga pullik majburiyat yuklamaydi, mazkur shartnoma asosida tuziladigan pullik shartnomalar bundan mustasno. Tomonlar mazkur shartnoma doirasida oʼz zimmalariga olgan majburiyatlarini vijdonan, halol va oʼzaro ishonch asosida bajaradilar.
V.FORS-MАJOR HOLАTLАRI 5.1. Tomonlar mazkur shartnomada kelib chiquvchi majburiyatlarini oʼzlariga bogʼliq boʼlmagan fors-major holatlar sababli bajarmasa yoki lozim darajada bajarmasa, shartnomadan kelib chiquvchi majburiyatlarni oʼtashdan ozod etiladilar.
5.2. Fors-major holatlarga oldindan koʼrib va oldini olib boʼlmaydigan yoki oldini olish mumkin boʼlmagan, Tomonlarning xohish-irodalariga bogʼliq boʼlmagan va shu bois Tomonlardan hech biriga majburiyatlarni oʼtashga imkon bermaydigan holatlar-engib boʼlmaydigan tabiat hodisalari (zilzila, toʼfon, koʼchkilar va shu kabilar) yoki ijtimoiy-iqtisodiy vaziyatlar (urush holati, qamal, davlat organlarining taqiqlovchi hujjatlar va shu kabilar) kiradi.
5.3. Yengib boʼlmas kuchlar tufayli mazkur shartnoma shartlarini bajarish imkoni boʼlmagan Tomon ikkinchi Tomonni ana shunday vaziyat yuz bergandan soʼng 10 (oʼn) kun ichida dalillar keltirgan holda soʼzsiz xabardor qilishi shart.
VI. NIZOLАRNI HАL ETISH TАRTIBI Mazkur shartnomadan kelib chiqadigan barcha nizolarni Tomonlar oʼzaro kelishuv asosida tinch yoʼl bilan hal etadilar.
VII.SHАRTNOMАNI OʼZGАRTIRISH, UNGА QOʼSHIMCHАLАR KIRITISH VА UNI BEKOR QILISH 7.1. Mazkur shartnomaga Tomonlar oʼzaro kelishuv asosida Oʼzbekiston Respublikasining amaldagi qonun hujjatlariga zid boʼlmagan tarzda istalgan vaqtda oʼzgartirish va qoʼshimchalar kiritishga haqli.
7.2. Mazkur shartnoma Tomonlarning oʼzaro kelishuvi asosida istalgan vaqtda bekor qilinishi mumkin.
7.3. Mazkur shartnomaga kiritilgan barcha oʼzgartirish va qoʼshimchalar yozma ravishda rasmiylashtirilishi va Tomonlarning imzolari bilan tasdiqlanishi lozim.
