Chingizxon fan dasturi 2019. doc

Mavzuning dolzarbligi.Jahon tarixi boʻyicha chuqur bilimlarga ega boʻlish talabalarning dunyoqarashini kengaytirish yoʻlidagi eng samarali vosita sifatida ahamiyatlidir. Qolaversa, mamlakatimiz hamkorlik qilayotgan davlatlarning rivojlanish darajasini, xalqlarning mentaliteti, urf-odatlarini, madaniyatini tushunib yetish uchun ham jahon tarixi fanining beqiyos ahamiyatini tan olish kerak.Dunyo xalqlarining ijtimoiy-iqtisodiy, siyosiy, madaniy va etnik evolyusiyasining asosiy bosqichlari, hamda yoʻnalishlari haqida talabalarga har tomonlama bilimlar berish.

Shu boisdan ham keyingi davr mobaynida ta’lim tizimida amalga oshirilayotgan islohotlar tufayli bakalaviat bosqichi talabalarini haqiqiy mutaxassis sifatida tayyorlash maqsadida mutaxassislik fanlariga katta e’tibor qaratilgan. Tanlab olingan «Chingizxon va uning vorislari davri tarixi» tanlov fani oʻrta asrlarning ulkan imperiyalaridan biri boʻlgan moʻgʻullar davlatining tarixi, ularning harbiy yurishlari va uning oqibatlari, turli hududlarda deyarli bir vaqtda vujudga kelgan moʻgʻul davlatlarining shu hudud ijtimoiy – iqtisodiy, siyosiy hamda madaniy taraqqiyotida tutgan oʻrni haqida ma’lumotlar, tahlillar va xulosalar beradi. Talaba birgina shu tanlov fan orqali Yevropa, Markaziy Osiyo, Rossiya, Yaqin va Uzoq Sharq, Janubiy – Sharqiy Osiyo kabi mintaqalar tarixi bilan tanishib chiqadi. Sababi Chingizxon boshchiligida vujudga kelgan yagona moʻgʻul davlatining keyingi taraqqiyoti davomida shu mintaqa xalqlari tarixida oʻz ta’sirlarini oʻtkazishga erishdi. Bir soʻz bilan aytgan moʻgʻullarning harbiy kuchi va qudrati ularga shu mintaqalarda bir muddat hukmronlik oʻrnatishini ta’minlab berdi.¹
Tanlov fan jahon tarixining uzviy bir boʻlagini tashkil etadi. Shuning uchun ham fan boʻyicha talabalarning bilimiga, koʻnikma va malakasiga qoʻyiladigan talablar jahon tarixi fanini oʻqitishda talabalarga qoʻyiladigan talablardan kelib chiqadi.²
Jahon tarixining turli bosqichlarida roʻy bergan muhim voqealar va jarayonlarni yoritib berish; – insoniyatning koʻp asrlik taraqqiyotiga katta ta’sir koʻrsatgan omillarni tahlil qilish; - tarixiy rivojlanish davomida turli mamlakatlar va mintaqalarga xos boʻlgan xususiyatlarni ochib berish; - dunyoning turli chekkalarida roʻy bergan voqealar va jarayonlarning koʻp hollarda oʻzaro bogʻliqligini talabalarga tushuntirish; tarixiy rivojlanishning barcha mamlakatlar uchun umumiy qonuniyatlar mavjudligini namoyon qilish.
“Chingizxon va uning vorislari davri tarixi” oʻquv fanini oʻzlashtirish jarayonida amalga oshiriladigan masalalar doirasida bakalavr:

• 
  Jahon tarixi davrining hususiyatlarini, Osiyo xalqlari orasida feudal munosabatlar taraqqiyotining oʻziga xos jihatlarini, tovar-pul munosabatlari, feodal jamiyatning ijtimoiy-iqtisodiy, madaniy va diniy hayotidagi oʻzgarishlarni bilishi kerak;
  
• 
  Koʻchmanchilik sharoitida turmush kechiruvchi Moʻgʻuliston va unga tutash hududlardagi xalqlar orasida davlatchilik munosabatlarining shakllanishiga olib kelgan omillar va sabablarni toʻgʻri tushunish koʻnikmalariga ega boʻlishi kerak;
  
• 
  talaba oʻrganilayotgan davrda jahon tarixining Osiyo va Afrika, Yevropa xalqlari tarixida roʻy berayotgan oʻzgarishlar, mintaqadagi umumiy siyosiy, iqtisodiy, ijtimoiy va ma’naviy ahvolni tahlil qilish va bu jarayonga tashqi ta’sirlar qanday oqibatlarga olib kelishi mumkinligi haqidagi malakalariga ega boʻlishi kerak.