D. R. Abdikarimova, G. M. Bekimbetova

8.3. BOZOR QIYMATIDAN FARQLANUVCHI BAZALAR 
ASOSIDA HISOBOT TUZISH JARAYONIDAGI 
KO‘RSATMALAR
Baholashni amalga oshirishda va bozor qiymatidan farqlanuvchi 
bazalar asosida hisobot tuzishda baholovchi quyidagi ko‘rsatmalarni 
bajarishi
1
:
– noto‘g‘ri talqin etilishi ehtimollarini bartaraf etish, bozor 
qiymatidan chetga  chiqadigan barcha taxminlarning bayon etilishini 
o‘z ichiga olgan holda, yanglishishga olib kelmaydigan shaklda 
qiymat bahosi to‘g‘risida xabar berishi;
–  qiymat hisob-kitobining baholashni amalga oshirish vazifasiga 
muvofiq  bo‘lgan  ma’lumotlar  va  shart-sharoitlarga  asoslanishini 
kafolatlashi;
– qiymat hisob-kitobining maqbul uslub va jarayonlarga 
asoslanishini kafolatlashi;
– hisobotni o‘qiydiganlar va unga suyanuvchilar undagi 
ma’lumotlar, asoslar, tahlil va xulosalarni  to‘liq tushunishlari uchun 
yetarli ma’lumot taqdim etishi.
1
 O‘zbekiston Respublikasi mulkni baholash milliy standarti «Bozor 
qiymatidan farqlanuvchi baholash bazasi» (3-sonli MBMS). 2006-yil 14-iyun.

---

128
Baholovchi, agar qiymat bahosining bozor qiymatidan 
farqlanuvchi bazaga asoslanganligi  va u  haqda hisobot tuzish 
to‘g‘risida so‘z borayotgan bo‘lsa, u holda uni  bozor qiymatining 
ifodasi deb hisoblashga oqilona asoslarning yo‘qligini kafolatlashi 
lozim.