D tashmuxamedova

rasm. G‘aznachilik axborot tizimi modullari¹¹⁶

¹¹⁶ O‘zbekiston Respublikasi Moliya vazirligi G‘aznachiligi ma’lumotlari asosida.

2009–2012-yillar mobaynida nomi yuqorida zikr etilgan qarorga muvofiq (PQ-721-sonli) mamlakatimizda “Davlat moliya tizimini boshqarishning informatsion tizimi” deb nomlangan zamonaviylashtirilgan amaliy dastur bilan ta’minlash rejalashtirildi. Mazkur dasturning amalga tatbiq etilishi orqali butun respublikamiz hududida davlat byudjetining g‘azna ijrosini ta’minlash bilan bog‘liq barcha jarayonlarni qamrab olish imkoniyati yaratilmoqda.

Ayni vaqtda byudjet tizimi byudjetlarining barchasi uchun birdek ochiq bo‘lgan tranzit tarzida harakatlanishi mumkin bo‘lgan daromad (tushum)lar kirim qilinadigan maxsus hisobraqamlar yopilib, ularning o‘rniga “Davlat moliyasini boshqarishning axborot tizimi” (DMBAT) majmuaviy dasturi bo‘yicha davlat byudjetining daromadlar qismiga kelib tushadigan tushumlar uchun alohida shaxsiy hisobraqamlarning ochilishi joriy etildi.

3-rasm. G‘aznachilik axborot tizimining axborot tizimlari bilan o‘zaro aloqalari

Moliya vazirligi G‘aznachiligi hamda uning joylardagi hududiy bo‘linmalarining funksional faoliyatini amaliy va normativ-huquqiy jihatdan ta’minlash uchun tegishlicha shart-sharoitlar yaratilmoqda. Moliya vazirligi G‘aznachiligi o‘z zimmasiga yuklatilgan funksional faoliyatni amalga oshirishida joriy qonunchilik talablariga, shuningdek, ayni turdagi faoliyatga taalluqli jahon standartlari (MSBGUS, RSGF-2001)ga muvofiq ish yuritilishi ta’minlanadi.
O‘zbekiston Respublikasi Moliya vazirligi G‘aznachiligining tashkiliy tuzilmalari “Davlat moliyasini boshqarishning axborot tizimi” (DMBAT) majmuaviy dasturining amaliyotga bevosita tatbiq etilish vaqtiga kelib ma’lum darajada optimallashtirildi. Shu maqsadda mavjud tizim negizida moddiy-texnik, informatsion va kadrlar bilan ta’minlanish jihatidan muayyan yangilanishlar qilindi.
“Byudjet tizimi byudjetlari g‘azna ijrosi qoidalari” joriy qilinishi asosida tegishli byudjetlarning byudjet jarayonini kompleks avtomatlashtirish, shu jumladan byudjet tizimi byudjetlari va BMJ byudjetlari ijrosi bilan bog‘liq operatsiyalarni aks ettirish uchun mo‘ljallangan axborot tizimi — «O‘RMV» AT Davlat byudjetining kirim qismiga tushiriladigan mablag‘larni turli darajali byudjetlar o‘rtasida taqsimlab berish jarayonlari amaldagi normativlarga mos ravishda bajarilishi va xarajatlarni amalga oshirilishida g‘aznachilik organlari tomonidan ma’lumotlarni uzatish yoki ma’lumot almashishda ahamiyatga ega tizim sifatida joriy etildi¹¹⁷.
Byudjet tashkilotlari va byudjetdan mablag‘ oluvchilarning tegishli hujjatlarini elektron qabul qilish va ma’lumotlarni almashishda byudjet tashkilotlari tomonidan byudjet hisobi va hisobotining yuritilishini kompleks avtomatlashtirish uchun mo‘ljallangan dasturiy majmua —.«UzASBO» DM joriy etilgan.

2.