D tashmuxamedova

Yagona g‘azna hisobvarag‘idagi mablag‘larni boshqarishni Davlat byudjeti daromadlari tushumlari va xarajatlarining qisqa muddatli prognozlarini tuzish yo‘li bilan amalga oshiradi.
Qabul qilingan moliyaviy majburiyatlarni bajarish uchun Yagona g‘azna hisobvarag‘ida mablag‘lar yetishmagan taqdirda, O‘zbekiston Respublikasi Moliya vazirligi Davlat byudjeti xarajatlarining cheklangan hajmini belgilaydi hamda uning asosida byudjet tashkilotlari va byudjet mablag‘lari oluvchilarga xarajatlarni to‘lash uchun ruxsatnomalar beradi.
Xarajatlarni to‘lash uchun ruxsatnomalar berish tartibi O‘zbekiston Respublikasi Vazirlar Mahkamasi tomonidan belgilanadi. O‘zbekiston Respublikasi respublika byudjetining vaqtincha bo‘sh turgan mablag‘lari mavjud bo‘lgan taqdirda, O‘zbekiston Respublikasi Moliya vazirligi tijorat banklarida depozitlarga joylashtirilishi mumkin bo‘lgan mablag‘larning hajmini belgilaydi.
Byudjet tizimi byudjetlari daromad qismining ijrosi²⁶:

• 
  tushumlarni Yagona g‘azna hisobvarag‘iga va boshqa bank hisobvaraqlariga kiritishni;
  
• 
  tushumlarni byudjet tizimining byudjetlari o‘rtasida taqsimlashni;
  
• 
  ortiqcha yoki noto‘g‘ri to‘langan tushum summalarini qaytarishni yoxud ularni qarzni to‘lash evaziga hisobga olishni;
  
• 
  hisob va hisobotni nazarda tutadi.
  

Davlat byudjetiga va davlat maqsadli jamg‘armalari byudjetlariga daromadlarni yig‘ishga vakolatli bo‘lgan organlar va tashkilotlar, bundan davlat soliq xizmati organlari va bojxona organlari mustasno, daromadlarning to‘g‘ri



²⁵ Steven M. Bragg. Treasury management: The Practitioner’s Guide /Published by John Wiley &Sons, Inc., Hoboken, New Jersey/ 2010.
²⁶ O‘zbekiston Respublikasi Budjet kodeksining 117- moddasi asosida.
hisoblab chiqilishi, to‘liq va o‘z vaqtida to‘lanishi ustidan nazoratni amalga oshirishi, shuningdek, agar qonun hujjatlarida boshqacha qoida nazarda tutilmagan bo‘lsa, davlat soliq xizmati organiga hisobot taqdim etishi shart.
Byudjet tashkilotlari va byudjet mablag‘lari oluvchilarga joriy moliya yilida qaytarilgan o‘tgan yillarning byudjet mablag‘lari bo‘yicha debitor qarzdorliklari summalarini kirim qilish uchun «O‘RMV» ATda byudjetdan tashqari mablag‘lar bo‘yicha (4004 mablag‘lar manbasi bilan) shaxsiy g‘azna hisobvaraqlari ochiladi.
Buyurtmachilarning joriy moliya yilida qaytarilgan o‘tgan yillarning debitor qarzdorlik summalari YaG‘Hga kirim qilinadi va:

• 
  byudjet mablag‘lari bo‘yicha — byudjet tashkilotlari va byudjet mablag‘lari oluvchilarning o‘tgan yillarning debitorlik qarzdorligini hisobga olish bo‘yicha byudjetdan tashqari shaxsiy g‘azna hisobvaraqlarida ushbu summalarni keyinchalik tegishli byudjetlarning joriy moliya yili daromadiga o‘tkazish bilan;
  
• 
  DMJ va BMJ mablag‘lari bo‘yicha — DMJ va BMJ byudjetlarining tegishli shaxsiy g‘azna hisobvaraqlarida joriy moliya yilining daromadlari sifatida;
  
• 
  byudjet tashkilotlarining byudjetdan tashqari mablag‘lari bo‘yicha — byudjetdan tashqari mablag‘lar bo‘yicha tegishli shaxsiy g‘azna hisobvaraqlarida joriy moliya yilining daromadlari sifatida hisobga olinadi.
  

Joriy moliya yilida qaytarilgan o‘tgan yillarning byudjet mablag‘lari bo‘yicha debitor qarzdorliklari summalari byudjet tashkilotlari va byudjet mablag‘lari oluvchilarning byudjetdan tashqari mablag‘lar bo‘yicha shaxsiy g‘azna hisobvarag‘iga kelib tushgan kundan boshlab uch ish kunidan kechiktirmay byudjet tashkilotlari va byudjet mablag‘lari oluvchilar tomonidan tegishli byudjet daromadiga o‘tkazilishi lozim. Debitor qarzdorliklar summalari qoldiqlari o‘z vaqtida yoki hisobot oyi tugaguniga qadar o‘tkazilmagan hollarda joriy oyning oxirgi ish kunida g‘aznachilik bo‘linmalari ushbu mablag‘larni mustaqil ravishda tegishli byudjetlar daromadlariga o‘tkazadi.
Byudjet tashkilotlarning tovar-moddiy qimmatliklarini yoki asosiy vositalarini sotishdan, shuningdek inventarizatsiya (tekshirishlar) natijalari
bo‘yicha tushgan mablag‘lar YaG‘Hga kirim qilinadi hamda byudjet tashkilotlarining byudjetdan tashqari mablag‘lari bo‘yicha tegishli shaxsiy g‘azna hisobvaraqlarida keyinchalik byudjet tashkilotlari tomonidan qonun hujjatlariga muvofiq qayta taqsimlash orqali hisobga olinadi.
DMJ yoki BMJ byudjetlaridan mablag‘ oluvchilarning joriy moliya yilida qaytarilgan o‘tgan yillarning debitor qarzdorlik summalari, shuningdek tovar- moddiy qimmatliklarini yoki asosiy vositalarni sotishdan va inventarizatsiya (tekshirishlar) natijalari bo‘yicha tushgan mablag‘lari YaG‘Hga kirim qilinadi va tegishli DMJ va BMJ byudjetlarida joriy moliya yilining daromadi sifatida hisobga olinadi.
Bunda DMJ yoki BMJ byudjetlaridan mablag‘ oluvchilarning byudjet mablag‘lari hisobidan sotib olingan tovar-moddiy qimmatliklarini yoki asosiy vositalarini sotishdan tushgan mablag‘lar tegishli byudjetlar daromadiga o‘tkaziladi.
O‘quvchilarning ota-onalari yoki ularning o‘rnini bosuvchi shaxslar tomonidan to‘langan darsliklar ijara to‘lovlari va darsliklar yoki o‘quv-metodik qo‘llanmalarni yo‘qotilganlik yoki yaroqsiz holga keltirilganlik uchun to‘lovlar bo‘yicha tushumlarning kirim qilinishi, shuningdek ularni keyinchalik O‘zbekiston Respublikasi Moliya vazirligi huzuridagi byudjetdan tashqari Respublika maqsadli kitob jamg‘armasining shaxsiy g‘azna hisobvarag‘iga o‘tkazilishi ta’lim muassasalarining tegishli (4011 mablag‘lar manbasi bilan) shaxsiy g‘azna hisobvaraqlaridan amalga oshiriladi.
Ta’lim muassasalarining tegishli (4011 mablag‘lar manbasi bilan) shaxsiy g‘azna hisobvaraqlaridan mablag‘larni O‘zbekiston Respublikasi Moliya vazirligi huzuridagi byudjetdan tashqari Respublika maqsadli kitob jamg‘armasining shaxsiy g‘azna hisobvarag‘iga o‘tkazilishi «O‘RMV» ATda avtomatlashtirilgan ravishda amalga oshirilishi mumkin.
Naqd pul mablag‘larini olish uchun, shu jumladan buyurtmachilarning xodimlariga ish haqi to‘lash, shuningdek xizmat safari va qonun hujjatlarida nazarda tutilgan boshqa naqd pul shaklidagi to‘lovlar uchun g‘aznachilik bo‘linmalari tomonidan tijorat banklarida mos ravishda 23212 «Moliya vazirligi G‘aznachiligi mablag‘lari» va 23214 «G‘aznachilikning hududiy bo‘linmalari mablag‘lari» hisobvaraqlari ochiladi.
G‘aznachilik bo‘linmalarining 23212 «Moliya vazirligi G‘aznachiligi mablag‘lari» va 23214 «G‘aznachilikning hududiy bo‘linmalari mablag‘lari» hisobvaraqlaridan ko‘chirmalar ularga ilovalar bilan xizmat ko‘rsatuvchi banklardan g‘aznachilik bo‘linmalari tomonidan mazkur hisobvaraqlarda mablag‘lar harakatining keyingi ish kunida olinadi.
Ko‘chirmalar va ularga ilovalar tegishli banklar tomonidan elektron hujjat ko‘rinishida — O‘zbekiston Respublikasi Markaziy banki axborot tizimi (tijorat banklari) va «O‘RMV» AT ma’lumotlar bazalari o‘rtasida ma’lumot almashish yo‘li bilan taqdim qilinishi mumkin.
Bunda elektron tarzda taqdim qilingan ko‘chirmalar va ularga ilovalar qog‘oz ko‘rinishida g‘aznachilik bo‘linmalariga taqdim etilmaydi.
Byudjet tizimi byudjetlari, shuningdek BMJ byudjetlari daromadlariga kirim qilish uchun asos bo‘lmagan YaG‘Hga kelib tushgan mablag‘lar g‘aznachilik bo‘linmalari tomonidan aniqlanmagan tushumlar sifatida qabul qilinadi.
Agar uch ish kuni mobaynida ushbu tushumlarni aniqlash hamda ularni tegishli shaxsiy g‘azna hisobvaraqlarga kirim qilish imkoni bo‘lmasa, g‘aznachilik bo‘linmalari ularni uchinchi ish kunida, biroq joriy yilning 31-dekabridan kechiktirmasdan 2850-Qoidalarga muvofiq shaklda Yagona g‘azna hisobvarag‘idan to‘lanishi (qaytarilishi) lozim bo‘lgan aniqlanmagan tushumlar bo‘yicha elektron to‘lov asosida amalga oshirish jarayoni bilan bog‘liq tadbirlarni amalga oshirish vazifasi
«O‘RMV» Atda elektron to‘lov hujjatini shakllantirish orqali mablag‘lar qaysi bank hisobraqamlaridan o‘tkazib berilgan bo‘lsa shu bank hisobraqamlariga qaytaradi.
YaG‘Hdan to‘lovlarni o‘tkazish uchun «Bank-G‘aznachilik» dasturiy majmuasi orqali yuborilgan to‘lov topshiriqnomalarining asli O‘zbekiston Respublikasi Markaziy bankiga taqdim etilmaydi va g‘aznachilik bo‘linmalarida saqlanadi, bundan «UzASBO» DM orqali elektron raqamli imzo bilan tasdiqlangan holda g‘aznachilik bo‘linmalariga yuborilgan elektron to‘lov topshiriqnomalari mustasno.

2.