Dars jihozi: Darslik, kompyuter, tarqatma materiallar, ko’rgazmali qurollar...
Dars shiori: Tilga ixtiyorsiz - elga e`tiborsiz. ( A. Navoiy )
Foydalaniladigan adabiyotlar:
«Ona tili» 6 -sinf uchun darslik. 6-sinf darsligining elektron varianti.
I. Darsning borishi:
a) salomlashish b) sinf tozaligi va davomatni nazorat qilish
c) kirish suhbati, o’quvchilarning og’zaki nutqini o’stirish
II. O’tgan mavzuni so’rash.
a) individual - tarqatma materiallar, kartochka.
b) Frontal (guruh bilan ishlash)
III. Yangi mavzu
Topshiriq. Berilgan otlarni aniq va mavhum ma'nolarni bildirishiga ko'ra guruhlarga ajrating.
Baxt, pari, farishta, uyqu, hayo, orzu, qalam, o'rik, o't.
BILIB OLING. Sezgi a'zolarimiz orqali bilishimiz mumkin bo'lgan narsalarni bildirgan otlarga aniq otlar deyiladi: kitob, mashina, uy, eshik, dutor va hokazo.
Sezgi a'zolarimiz orqali bilishimiz mumkin bo'lmagan, tafakkur va tasavvur orqali idrok qilinadigan narsalarni bildirgan otlarga mavhum otlar deyiladi: dev, xayol, aql, o'y, go'zallik va hokazo.
Aniq otlar birlik va ko'plik shaklida qo'llana oladi, ammo mavhum otlar ko'plik shaklida qo'llanganda, ko'plik ma'nosi emas, balki ta'kidlash, kuchaytirish ma'nolari ifodalanadi.
312-mashq. Aniq va mavhum otlarga qo'shilgan ko'plik, egalik va kelishik qo'shimchalariga e'tibor bering. Ko'plik qo'shimchasining qanday ma'no qo'shayotganini izohlang.
1. U o'z qalbida kechayotgan tuyg'ularning nomini bilmas, shu daqiqadagi holatini o'rtoqlariga ham izohlab berolmas edi. (Qamchibek Kenja) 2. Hunarlaringni, didlaringni rosa ishlatib, chiroyli bino solib bersalaring, bas. (Oybek) 3. Mening Jasur ismli ukam bor. U hayvonlarni, ayniqsa, itlarni yaxshi ko'radi. (I. Xolliyeva) 4. Ular qushchalarni tomosha qilishadi. (A. Azimova)
313-mashq. Gaplarni o'qib, aniq va mavhum otlarni toping, ularga izoh bering. Hikmatlarning mazmuni haqida suhbatlashing.
1. Hasad — yurakning zanglashi, qaysarlik mag'lubiyat sababchisidir. 2. Oyog'ingiz yugursa, maqsadingizga yetkazadi, tilingiz yugursa boshingizga falokat keltiradi. 3. Yalqovlik muhtojlik eshigidir. 4. Narsa deb odamlar e'tiboridan qolish yomon. 5. Hayo qalbning haqiqiy ko'zgusidir. («Sharq hikmatlari»dan)
1. Aniq otlar deb nimaga aytiladi?
2. Mavhum otlarga misollar keltiring.
3. Mavhum otlar nima sababdan ko'plik shaklida qo'llanmaydi?
314-mashq. Uyga vazifa. Aniq va mavhum otlarni ajrating. Ular o'rtasidagi farqlarni tushuntiring.
1. Shu sevinch ikkovlariga ham kuch-g'ayrat, ham dadillik baxsh etgandek bo'ldi. (X. To’xtaboyev) 2. Qirlarning g'ir-g'ir shamoli, o'pkalarga moydek tuyulgan totli havosi hammamizning ruhiyatimizni ko'tarib yubordi. (Oybek) 3. Osmon hadsiz, ufqlar, qirlar jimirlaydi zarrin yog'duda. Osmon kabi tiniq tuyg'ular mavj uradi bu yosh ko'nglimda. (Z Nazarova)
IV. Yangi mavzuni mustahkamlash: Og’zaki savol-javob.
V. Uyga vazifa
Dostları ilə paylaş: |
