c) kirish suhbati, o’quvchilarning og’zaki nutqini o’stirish
II. O’tgan mavzuni so’rash. a) individual - tarqatma materiallar, kartochka.
b) Frontal (guruh bilan ishlash)
III. Yangi mavzu: 1-topshiriq. Savollarga javob bering.
1. Morfologiyada nimalar o'rganiladi?
2. So'z tarkibi haqida nimalarni bilasiz?
3. Qo'shimchalar deb nimaga aytiladi?
4. Asosga qanday ta'rif bera olasiz?
5. Lug'aviy shakl yasovchi qo'shimchalar qaysilar?
6. Sintaktik shakl yasovchi qo'shimchalar qaysilar?
2-topshiriq. Quyidagi so'zlarni asos va qo'shimchalarga ajrating.
Tarbiyachi, ozchilik, ovoragarchilik, zargar, fidokorlik, to'kin-sochinlik, quvonchlarimizni, bayramlarga.
3-topshiriq.-don, -chi, -iy, -aki, -illa, -ona qo'shimchalari yordamida so'zlar hosil qiling va ular ishtirokida gaplar tuzing.
4-topshiriq. Matnni o'qing, undagi qo'shimchalarni so'z yasovchi, lug'aviy shakl yasovchi va sintaktik shakl yasovchi qo'shimchalarga ajrating.
Bir bog'bonning uch o'g'li bor edi. Uchalasi ham yalqov va dangasa edilar. Bog'bon bir kuni kasal bo'lib yotib qoldi. O'g'illarini chaqirib: «Tokzorning ichiga bir ko'za oltin ko'mib qo'yganman. Mendan keyin o'zingiz kovlab, topib, bo'lishib olarsizlar», dedi va bir necha kundan so'ng vafot etdi.
O'g'illari oltin izlab bog'ni ag'dar-to'ntar qilib chiqdilar. Lekin hech narsa topa olmadilar. Biroq shu yili mevalari shu darajada serhosil bo'ldiki, cho'ntaklari pulga to'ldi.
So'ngra o'g'lonlar angladilarki, oltin yerda emas, mehnatda ekan. (Rivoyat) 5-topshiriq.Quyidagi qo'shimchalarni jadvalga joylashtiring va ular ishtirokida gaplar tuzing.
-ni, -roq, -lab, -in, -(i)miz, -dan, -k, -lan, -dor, -i(ng), -gan, -r, -sira, -(a)y
So'z yasovchi
Lug'aviy shakl yasovchi
Sintaktik shakl yasovchi
6-topshiriq.O'zingiz o'qiyotgan badiiy asardan parcha ko'chiring. Unda ishlatilgan so'zlarni asos va qo'shimchalarga ajrating.
