3. To‘rt kunlik ish haftasini belgilashda davlat organlarining qonuniy manfaatlari qanday? 4. Mehnat va aholini ijtimoiy muhofaza qilish vazirligi huquqni amalga oshirishning qanday shaklini amalga oshiradi?
Kazus 20 Germaniyada 15-apreldan 16-aprelga o‘tar kechasi oxirgi uchta atom elektr stansiyasi elektr tarmog‘idan uzildi, deb xabar bermoqda BBC. Rasmiy Berlin buni Yevropaning ba’zi boshqa davlatlari, jumladan Fransiya, atmosferaga zararli chiqindilarni kamaytirish, elektr energiyasini arzonlashtirish va Rossiya energiya tashuvchilariga qaramlikni kamaytirish umidida atom energetikasiga sarmoyalarni ko‘paytirayotgan bir paytda amalga oshirdi.
Germaniyadagi barcha AESlarni 2022-yilga qadar yopish to‘g‘risidagi qaror ko‘p yillar avval, zilzila va sunami oqibatida jiddiy zarar ko‘rgan Yaponiyadagi Fukusima atom elektr stansiyasidagi avariyadan ko‘p o‘tmay qabul qilingan edi.
Ekologik faollar va hukmron “yashillar” koalitsiya a’zolari atom stansiyalari xavfi va radioaktiv chiqindilarni saqlash bilan bog‘liq muammolarni aytib, AESlarni yopishni talab qilgandi. Biroq, aholining aksariyati (65%) atom elektr stansiyasidan voz kechishga qarshi chiqqandi.
Shanba kuni Greenpeace vakillari Berlindagi Brandenburg darvozasida “Atom energiyasi nihoyat tarixning bir qismiga aylandi!” shiori bilan miting o‘tkazdi. Boshqa shaharlarda ham uchta atom elektr stansiyasining yopilishi nishonlandi.
“Kelajak atom energiyasi bilan bog‘liq emas. Kelajak qayta tiklanadigan energiya manbalariga tegishli. Bu bizning kelajagimiz bo‘ladi. Myunxenda 2008-yildan beri biz faqat qayta tiklanadigan energiya manbalaridan foydalanishni kengaytirishga e’tibor qaratdik”, — dedi Myunxen meri Diter Rayter.
Savollar:
1. Bu ishda nechta yuridik fakt mavjud? Fikringizni asoslang!
2. “Miting” nima? Bu odamlarning tabiiy huquqlariga ishora qiladimi?
3. Qarorning boshqacha qabul qilinganligi, garchi aholining 65 foizi bunga qarshi bo‘lsa ham, Germaniyada demokratiya yo‘q, degan xulosaga asos bo‘ladimi?
4. Bu masalada davlatning qonuniy manfaatlari qanday?
