Dərs vəsaiti Sumqayıt 2015 Azərbaycan Respublikasi Təhsil Nazirliyi Sumqayıt Dövlət Universiteti

Nəqliyyat logistikanın istiqamətləri bunlardır:

1. 
   Makrologistika – bu istiqamət üzrə nəqliyyat logistikanın əsas məqsədi beynəlxalq nəqliyyat koridorunun yaradılması, nəqliyyat müəssisələrinin səmərəli yerləşdirilməsi və əsas yük axınlarının formalaşdırılmasıdır;
   
2. 
   Mikro-logistika – ayrı-ayrı nəqliyyat vasitələri müəssisələrinin işinin optimallaşdırılması proseslərinin öyrənilməsi və adekvat tədbirlərin müəyyənləşdirilərək reallaşdırılması ilə bağlıdır.
   

Logistika sisteminin optimallaşdırılmasının əsas meyarları aşağıdakılardır:

• 
  Kontrakt şərtlərinin nəqliyyatla bağlı müddəalarının qorunmasını təmin etmək;
  
• 
  malların (məhsulların) maksimum satışına şərait yaratmaq;
  
• 
  nəqliyyat xərclərinin minimuma endirilməsini təmin etmək;
  
• 
  nəqliyyat əməliyyatlarının intensivliyi üçün adekvat mexanizmləri və tədbirləri, optimal nəqliyyat marşrutlarını, yükdaşıma sxemlərini işləyib hazırlamaq;
  
• 
  BNƏ-nin keyfiyyətinin artırılmasını və bu əməliyyatlardan mənfəətin yüksəldilməsini təmin etmək.