Dərslik Azərbaycan Respublikası Təhsil Nazirliyinin 1 noyabr 2004-cü IL tarixli 816 saylı əmri ilə təsdiq olunub

 

AKADEMİK MİLLİ DRAM 

 TEATRINDA AKTYOR YARADICILIĞI 

 (1960-2004) 

 

İkinci dərs 

 

HAMLET XANIZADƏ (5.6.1941-23.2.1990) 

 

Yaradıcılığı, əsasən, lirik-psixoloji üslublu aktyor məktəbinin estetikası əsasında formalaşıb. 

Mürəkkəb faciə rollarını, ziddiyyətli xarakterə malik romantik-dramatik obrazları da ustalıqla 

yaradıb. Tipik epizod rollarda satiranın və tragikomediyanın ifadə vasitələrindən bacarıqla bəhrələnə 

bilirdi. 

Hamlet Bəbir oğlu Xanızadə 1941-ci il iyunun 5-də Bakıda doğulub. ADTİ-nin dram və kino 

aktyorluğu fakültəsini bitirib (1965). Son kursda oxuyanda institutda oynadığı maraqlı rollara görə 

onu AMDT-nin aktyor heyətinə  qəbul ediblər. Respublikanın  əməkdar artisti idi (1982). Hüseyn 

Cavidin "İblis" faciəsindəki İblis roluna görə 1984-cü ildə Dövlət mükafatı ilə təltif edilib. İyirmiyə 

yaxın bədii filmə  çəkilib. "Yeddi oğul istərəm", "Babək" və "Arxadan vurulan zərbə" 

kinolentlərindəki Gizir, Xəlifə Mötəsim və İmaş onun ən maraqlı ekran obrazlarıdır. 

Hamlet Xanızadə 1986-cı il may ayının 5-də teatrdan çıxaraq Cəfər Cabbarlı adına 

"Azərbaycanfilm" kinostudiyasma gedib. Aktyorun ifa etdiyi səhnə obrazları içərisində yaradıcılıq 

baxımından daha xarekterikləri və daha məzmunluları bunlardır: Həsən Sabbah ("Xəyyam", Hüseyn 

Cavid), Nizami ("Atabəylər", Nəriman Həsənzadə), Antonio ("Fırtına", Vilyam Şekspir), ikinci 

azarlı, Molla Abbas ("Ölülər" və "Dəli yığıncağı", Cəlil Məmmədquluzadə), Doktor ("Şöhrət və ya 

unudulan adam", Nazim Hikmət), Akop ("Xanuma", Avksenti Saqareli), Vurm ("Məkr və 

məhəbbət", Fridrix Şiller), kleş ("Həyatın dibində", Maksim Qorki), Tom ("Şüşə heyvanxana", 

Tennessi Uilyams), Doktor Kərim, Fənd Fərəc ("Səhra yuxuları" və "Adamın adamı", Anar), 

Müttəhim ("İstintaq", Rüstəm İbrahimbəyov), Don Martin ("Bəşərin komediyası, yaxud Don Juan", 

---

Mirzə  İbrahimov), Hüsaməddin ("Qılınc və  qələm", Məmməd Səid Ordubadinin eyniadlı  əsəri 

əsasında işləyəni Tofiq Kazımov), Qacar ("Vaqif", Səməd Vurğun), Kurçayev ("Müdriklər", 

Aleksandr Ostrovski), Keyts ("Qızıl", Yucin O'Nil), Qaraçı oğlan ("Canlı meyit", Lev Tolstoy). 

Hamlet Xanızadə 23 fevral 1990-cı ildə Bakıda vəfat edib və doğma kəndi  Şağanda dəfn 

olunub.