ƏLİABBAS QƏDİROV (13 FEVRAL 1946)
Yaradıcılıq imkanları romantik və realist aktyor məktəblərinin estetik göstəricilərinə,
psixoloji mahiyyətinə, fəlsəfi dərinliyinə uyğundur. Daxilən ehtiraslı və hərarətli temperamentə,
dinamik plastikaya malik aktyordur.
Əliabbas Gülabbas oğlu Qədirov 13 fevral 1946-cı ildə Bakıda doğulub. ADİİ-nin dram və
kino aktyorluğu fakültəsini bitirib (1969). Bir il institutun Tədris teatrında işləyib. 1970-ci il aprel
ayının 6-dan AMDT-nin aktyorudur. 26 dekabr 2001-ci ildə teatra bədii rəhbər və direktor təyin
olunub. Respublikanın xalq artistidir (17 may 1989). "Sevinc buxtası" filmindəki Nazim roluna görə
Dövlət mükafatı laureatıdır. Ondan çox bədii filmə çəkilib.
Aktyorun sənət nailiyyətləri baxımından Kürd Musa ("Vaqif", Səməd Vurğun), Vasif
("İblis", Hüseyn Cavid), Qlumov ("Müdriklər", Aleksandr Ostrovski), Mirzə Şəfi ("Mənsiz dünya",
Nəbi Xəzri), Kamran, Həbib, Seyid Hüseyn, Kərim bəy, Mircəfər Bağırov, İbrahim xan ("Bizim
qəribə taleyimiz", "Büllur sarayda", "Xurşidbanu Natəvan", "Tənha iydə ağacı", "Sevgililərin
cəhənnəmdə vüsalı" və "Hökmdar və qızı", İlyas Əfəndiyev), Qraf Qloster ("Kral Lir", Vilyam
Şekspir), Tərlan ("Sənsiz", Şıxəli Qurbanov), Qara xaqan ("Özümüzü kəsən qılınc", Bəxtiyar
Vahabzadə), Ənvər, Balaş ("Ədirnə fəthi" və "Sevil", Cəfər Cabbarlı), Diş həkimi ("Biganələr oteli",
Rüstəm İbrahimbəyov), Bəhram ("Fitnə", Abdulla Şaiq), Nostradamus ("Hələ "sevirəm"
deməmişdilər...", Ramiz Novruz) rolları daha uğurlu olub.
Dostları ilə paylaş: | 
