Dərslik Azərbaycan Respublikası Təhsil Nazirliyinin 1 noyabr 2004-cü IL tarixli 816 saylı əmri ilə təsdiq olunub

YAŞAR NURİYEV (3 SENTYABR 1951) 

 

Görkəmli komediya aktyorudur, lakin psixoloji və dramatik rolları da məharətlə oynayır. 

"Nuri" təxəllüsü ilə də çixış edir. 

Yaşar Məmmədsadıq oğlu Nuriyev 1951-ci il sentyabr ayının 3-də Bakıda aktyor ailəsində 

doğulub. Səhnəyə ilk dəfə on bir yaşında ADMKT-də "Toy kimindir?" (dramaturq Məhərrəm 

Əlizadə, bəstəkar Ağası  Məşədibəyov) tamaşasında Tapdıq rolunda çıxıb. Məktəbli vaxtlarında 

dövlət televiziyasının "Yeikən" verilişinin aparıcılarından olub. Müxtəlif dram dərnəklərinə gedib. 

Yaşar Nuriyev ADİİ-nin dram və kino aktyorluğu fakültəsini bitirib (1972). Bir il orduda xidmət 

edib və institutun tədris teatrında aktyor işləyib. Aktyor 1974-cü il dekabr ayının 1-dən AMDT-nin 

truppasında çalışır. Səhnədə ilk rolu Aleksandr Vampilovun "Övlad" ("Böyük oğul") Komediyasının 

---

tamaşasında Silva rolu olub. Tez bir zamanda truppanın aparıcı aktyorları sırasma daxil olan Yaşar 

Nuriyevin aşağıdakı rolları aktyorun zəngin yaradıcılığının əsas səhifələrini təşkil edir. 

Aktyor müxtəlif illərdə və müxtəlif rejissorların quruluşlarında Alışov ("Kəndçi qızı", Mirzə 

İbrahimov), Kürd Musa ("Vaqif", Səməd Vurğun), Məşədi Oruc, Sərsəm Salman ("Ölülər"    və 

"Dəli yığıncağı", Cəlil Məmmədquluzadə), Bayandur,  Davud ("Büllur sarayda"  və   "Bizim qəribə 

taleyimiz", İlyas Əfəndiyev), Əbdüləli bəy, Altunbay ("Sevil" və "Od gəlini", Cəfər Cabbarlı), Vəzir 

Mirzə Həbib ("Lənkəran xanının vəziri", Mirzə Fətəli Axundzadə),  Odakar ("Böyük Romul", 

Fridrix Dürrenmatt), Xanəhməd ("Qızıl teşt", Seyran Səxavət), Molla Nəsrəddin, Polkovnik Əmir, 

Namiq ("Sizi deyib gəlmişəm... ", "Səhra yuxuları" və "Şəhərin yay günləri", Anar), İsgəndərzadə, 

Şöbə müdiri ("Ah, Paris... Paris!.. " və "Mənim sevimli dəlim", Elçin), Xandəmir ("Afət", Hüseyn 

Cavid), Milan ("Biganələr otelində", Rüstəm İbrahimbəyov), Cığatay   ("Yağışdan   sonra",   

Bəxtiyar   Vahabzadə),   Aktyor ("Həyatm dibində", Maksim Qorki), Conatan Piçem ("Üç quruşluq  

opera",   Bertolt   Brext   və   Kurt   Vayl),   Qurbanqulu ("Mirzə Şəfi Vazeh", Nəbi Xəzri), Məzarçı 

("Hamlet", Vilyam Şekspir) rollarını oynayıb. 

Yaşar Nuriyev səhnədə yöndaşları ilə çox səmimidir, səsi, görünüşü ürəyəyatımlıdır. Onun 

səmimiyyəti ifa etdiyi səhnə surətlərinin qavranılmasma təkan verir. Əzəmətli aktyordur və bu 

əzəmətin mayasında yaradıcı istedad, axtarışlarının təkamülü durduğuna görə o, səhnə boşluqlarmı 

təkbaşına məharətlə doldura bilir. 

Yaşar Nuriyev cəsarətli aktyordur. Qəliz rəqs nömrələrini, muğam və ya estrada, yaxud aşıq 

musiqisi üzərində qurulan satirik, dramatik, psixoloji, Komik, qroteskli, Karnaval estetikasma uyğun 

obrazların ifasmda qətiyyətlə uğur qazana bilir. 

Səhnədə həmişə canlıdır, təravətlidir, dadlı-tamlıdır, ürəklərə yol tapandır. 

Respublikanın xalq artistidir (1 mart 1989), Dövlət mükafatı laureatıdır (1984). Aktyor əlliyə 

yaxın bədii filmə çəkilib, yüzdən çox televiziya tamaşasında iştirak    

edib. İsrafil ("Bəyin oğurlanması"), Mərahim ("Fransız"), Maşallah ("Yaramaz"), Əbdülqəni ("Hər 

şey yaxşılığa doğru") filmləri ona başqa ölkələrdə də şöhrət qazandırıb.  

 

* * *