Dərslik Azərbaycan Respublikası Təhsil Nazirliyinin 1 noyabr 2004-cü IL tarixli 816 saylı əmri ilə təsdiq olunub

SƏYAVUŞ ASLAN (3 SENTYABR 1935) 

 

Əvvəllər dram dərnəyində çalışan Səyavuş Aslan 1954-cü ildə dövlət statusu olmayan 

Musiqili Komediya Teatrının bir neçə tamaşasında kiçik rollar oynayıb. 

1984-cü il oktyabr ayının 5-də Akademik Milli Dram Teatrının truppasına aktyor götürülüb. 

1994-cü il fevralın 4-də Azərbaycan Dövlət Musiqili Komediya Teatrına bədii rəhbər təyin edilib. 

1996-cı ilin oktyabrında bədii rəhbər vəzifəsindən istefa verən aktyor yenidən Akademik Milli Dram 

Teatrına qayıdıb. (Qeyd: Aktyorun bu sənət ocağındakı fəaliyyəti əvvəlki dərslərdə göstərilib). 

Səyavuş Aslanın MKT-nin səhnəsində yaratdığı neçə-neçə obraz sənət ocağının 

yaradıcılığında xüsusi yer tutur. Buna görə aktyorun bu teatrdakı  fəaliyyətini və oynadığı rolların 

daha uğurlularını təqdim edirəm. Muxtar bəy və Kəblə Heydər, Orduxan bəy ("Evliykən subay" və 

"Əlli yaşında cavan", Zülfüqar bəy Hacıbəyov), Şubay və Məhəmməd ("U1-duz", Sabit Rəhman və 

Süleyman  Ələsgərov), Hamlet ("Tiflis nəğməsi", Levon Cubabiriya və  Şota Milorava), Ohan 

yüzbaşı ("Hacı Qara", Mirzə  Fətəli Axundzadənin eyniadlı  əsəri  əsasında libretto müəllifi  Şəmsi 

Bədəlbəyli. Bəstəkarlar Vasif Adıgözəlov ilə Ramiz Mustafayev), İbişov və Murtuzov, Eynəkli, 

Alanzadə ("Özümüz bilərik", "Milyonçunun dilənçi oğlu" və "O1madı elə, oldu belə",  Şıxəli 

---

Qurbanov və Süleyman Ələsgərov), Fəqan ("Səndən mənə yar olmaz", Məhərrəm Əlizadə və Əşrəf 

Abbasov), Firuzbala ("Altı  qızın biri Pəri", Məhərrəm  Əlizadə  və Tofiq Bakıxanov ilə  Nəriman 

Məmmədov), Həsən bəy, Hambal və Məşədi İbad, Vəli ("Məşədi İbad" və "Arşın mal alan", Üzeyir 

bəy Hacıbəyov), Səlyanski ("Gözün aydın", Məhərrəm  Əlizadə  və Fikrət  Əmirov), Qulu Rəhimli 

("Nənəmin  şahlıq quşu",  Əliağa krrçaylı  və Vasif Adıgözəlov), Kəblə Hüseynəli ("Beş manatlıq 

gəlin", Məmməd Səid Ordubadi və Səid Rüstəmov), Qoşun ("Toy kimindir?", Məhərrəm Əlizadə və 

Ağası Məşədibəyov), Çako ("Keto və kote", Vladimir Dolidze), Dadaşbala ("Hicran", Sabit Rəhman 

və Emin Sabitoğlu), Türbətəli ("Təzə  gəlin", Seyfəddin Dağlı  və Cahangir Cahangirov), Qazı, 

karapet ağa, Naçalnik, Kərbəlayı Cəfər ("Danabaş kəndinin əhvalatları", Cəlil Məmmədquluzadənin 

eyniadlı əsəri əsasında libretto müəllifi Cənnət Səlimova və bəstəkar Oqtay Kazımov). 

Azərbaycan Dövlət Musiqili Komediya Teatrında bədii rəhbər işlədiyi dövrdə Səyavuş Aslan 

"Beş manatlıq gəlin" (17 may 1994), "Əlli yaşında cavan" (23 may 1995) operettalarını tamaşaya 

hazırlayıb.