Dərslik Azərbaycan Respublikası Təhsil Nazirliyinin 1 noyabr 2004-cü IL tarixli 816 saylı əmri ilə təsdiq olunub

TARİYEL QASIMOV (4 FEVRAL 1939) 

 

Teatrın aparıcı aktyorlarındandır. Əsasən romantik qəhrəman rollarını ifa edib. Dramatik və 

lirik-psixoloji üslublu tamaşalarda da realist səpkili obrazlara səhnə ömrü verib. 

4 fevral 1939-cu ildə Ağstafa rayonunun köçəsgər kəndində doğulub. Orta məktəbi 1956-cı 

ildə bitirərək Bədən Tərbiyəsi  İnstitutuna daxil olub. Təhsil ala-ala müxtəlif dram dərnəklərində 

həvəskar aktyorluq edib. 1960-cı ildə idman təhsilini yarımçıq qoyaraq Azərbaycan Dövlət Teatr 

Institutunun aktyorluq fakültəsində oxuyub. Tələbə ikən AMDT-nin tamaşalarında epizod rollar 

oynayıb. 

Ali təhsil alan Tariyel Qasımov 1964-cü ildə GTT-nin truppasına daxil olub. 1967-ci ildə on 

səkkiz illik fasilədən sonra fəaliyyəti bərpa edilən Irəvan Dövlət Azərbaycan Teatrına gedib. Bir 

---

müddət sonra Naxçıvan DMDT-də  işləyib. Bir il burada fəaliyyət göstərərək Bakıya qayıdıb və 

"Azərbaycan-film" kinostudiyasında rejissor assistenti vəzifəsində çalışıb. 

Tariyel Qasımov 1971-ci ildən yenə  Gənc Tamaşaçılar Teatrının truppasındadır. Arada 

Qazax DDT-də (1997 - 1998) və  Dərbənd Dövlət Azərbaycan Teatrında (1999) direktor və  bədii 

rəhbər işləyib. "Azərbaycanfilm"də, Almaniyada və Tacikistanda müxtəlif bədii filmlərə çəkilib. 

Tariyel Qasımovun GTT səhnəsində ifa etdiyi məşhur rolları: Cəfər Cabbarlı ("Aydınlığa 

doğru", Seyfəddin Dağlı), Cəlal və  Bəxtiyar, Söhrab, Məşədi  Əzizbəyov ("Komsomol poeması", 

"Söhrab və Rüstəm" və "Komissarlar", İsgəndər Coş-qun), İmran və Oruc ("Tamahkar" və "Qaraca 

qız", Süleyman Sani Axundov),  Məlik  Məmməd ("Məlik  Məmməd",  Əyyub Abbasov), Zaur 

("Yadmdamı?", Altay Məmmədov), Kazım ("Məhəbbət novellası", Şamil Xurşid və Əşrəf Hacıyev), 

Səfər ("Kiçik təpə", Nəbi Xəzri), Qədim, Həsənzadə ("Büllur sarayda" və "Sən həmişə 

mənimləsən",  İlyas  Əfəndiyev), Pərviz ("Sən nə üçün yaşayırsan?", Həsən Seyidbəyli və  İmran 

Qası-mov), Artur ("Ovod", Etil Voyniç), Ədalət ("Gəl qohum olaq", İsi Məlikzadə), Rəcəb 

("Şirinbala bal yığır", Salam Qədirzadə), Polad ("Təzə  şagird", Qılman  İlkin), Antonio ("Sükut 

divarı", Poalo Messina), Əşrəf bəy və Mahmud ("Hacı  Qəmbər", Nəcəf bəy Vəzirov), kuzınınski 

("Zəng səsləri", Ramiz Heydər), Senya koqan ("İnqilab naminə", Mixail Şatrov). 

Tarıyel Qasımov işlədiyi teatrlarda bir neçə tamaşaya quruluş verib. 

Bu baxımdan "Sən həmişə mənimləsən" (İlyas Əfəndiyev) tamaşası daha uyğundur. 

Sənət uğurlarına görə Azərbaycan Respublikasının  əməkdar artisti (9 fevral 1979) və xalq 

artisti (22 may 1991) fəxri adları ilə təltif olunub.